بحر الرمل

[ناديه حسين]

بسم الله الرحمن الرحيم




السلام عليكم ورحمة الله وبركاته



بحر الرمل من بحور الشعر الفصيح




ويسمى نبطيا ببحر الفنون أو اللعبوني




وارقامه




2 3 4 3 4 3




لكلا الشطرين







وهذا مقطع على الرمل المروبع من قصيده للشاعر ناصر الفراعنه حفظه الله




دثريني يامنيرة زمليني يامنيرة


يامنيرة في فؤادي فرخ عبد طق زيره

من هنوف صوبها راع الهوى يشعب بعيره

سيدة سادات قوم سادة ابناء ساده









وسلامتكم




تقطيع




دثريني يامنيرة زمليني يامنيرة


يامنيرة في فؤادي فرخ عبد طق زيره







دثريني يامنيرة زمليني يامنيرة=


دث2 ثري3 ني2 يا2 مني3 ره 2زم2 ملي3 ني2 يا2 مني3 ره=






2 3 4 3 4 3 4 3 2


يامنيرة في فؤادي فرخ عبد طق زيره

يا2 مني3 ره 2 في2 فؤا3 دي2 فر2 خ عب3 دن2 طق2 ق زي3 ره2 =

2 3 4 3 4 3 4 3 2










استمع الى الرمل .. هنا مروبع






http://www.youtube.com/watch?v=GB1aJUEERGk






وهذي قصائد من قصائدي على بحر الرمل



اشواق الغرام





ياوجودي باقـي بنفسـي كـلام


ليه مستعجل على يـوم الرحيـل






الفـراق المـر واشبـاح الظـلام


والعذاب اللي بعد وصلـي بديـل






ذكريات الامس واشـواق الغـرام


مااظـن تقـدر عليهـم مستحيـل






حتى انـا مااقـدر اقـوم ولاانـام


العذاب اللي بعـد عينـك طويـل






لو تـروح تردّلـي باكـر تمـام


ترجع الخطوه صفر من ألف ميـل






من هنـا لهنـاك مانلنـا المـرام


والف حسره فاتنا العمـر الجميـل






في حضور الحب ماينفـع مـلام


والمشاعر ترفض تفـارق خليـل






شوقي في بعدك خذانـي للعـدام


كم سهرت الليـل ولحـدّ المقيـل






اخفي الاشواق عن عيـن الانـام


واطلب الخفّاق عن حبـك يميـل






لو تجي تحسـب نتايـج لانهـزام


يكفي لو ليلـه بدونـي والدليـل






مـرت الايـام ماشفنـا ســلام


هل نموت ؟او نلحق العمر الجميل؟






وسلامتكم







سكّــــــر نبات






كل مامرّ الهوى صورتْك مرّت


و بخيالـي و بعيوني اسْتقرّت

وبـمـلــف الذكريات الروح قرّت

باالف قصّة شوق يا اغْلى الذكريات










عيدي الاول رحل وايام راحت


والمشاعر في هواك بحب باحت

صورتك داخل فـؤادي استراحت

تسهر بقلبي وعلى رمشي تبـات










عمري مانسى في ليالي الألف ليله


عشنا ليله تسوى عندي ألف ليله

ليلة اللي جيت طالبني حليله

وانهمر رشّ الوله سكّـر نبـات









وسلامتكم








وهذا قالب جديد من ابداعي






لاتكابر





يعرف الخفاق منّك ويش يريـده


في جوارك كنت او دنيا بعيـدة






لا تـقـول انــك مـسـافـر


شــدّ لــي بالله خـاطــر

يــوم مــا تبـعـد تكـابـر

ماتـسـع هـمـي الدفـاتـر









ماتسع همي ولو اكتب جريـدة


ماأبي ترحل ولا قولـك عنيـدة










قلبي اللي مابعـد ابتـل ريقـه


ينصهر باشواقي وصاير حريقه






اه مــن كـثـر الـمـواجـع


طيـري المـحـزون سـاجـع

قلـبـه الـبـاكـي يـطـالـع

مايـبـي يْشـوفـك تــوادع









مايسع همه انا بهمـه غريقـه



ما ابي بعدك ولا يمكـن اطيقـه







كيـف تبعـد ؟ ماااأسامـح


والألـم فـي الوجـد طـافـح

والهـجـر للقـلـب جــارح

آه لــو امـلـك جـوانــح









كنت احلق من صباحي للغروب


يادوى همي وماغيـرك طبيـب

كنت تلقاني على بابـك الـوب

لحظتن عن شوف عيني ماتغيب










وسلامتكم





مع تحياتي

اختكم

نادية حسين :وح2:

[خشان خشان]

أستاذتي الكريمة

هناك الرمل التام

2 3 4 3 4 3 ........... 2 3 4 3 4 3 2 ....... (في الفصيح على الأغلب )

وفي النبطي هناك الوزن التالي ( ونادرا في الفصيح )

2 3 4 3 4 3 2........... 2 3 4 3 4 3 2


والطريقة التي كتبت بها الأبيات صحيحة كذلك وتوافق القالب 49 من قوالب د. الصويان

يالله انك ترحم اللي ذاق ليعات الليالي

.........................ذاق ليعات الليالي والليالي ولّعنّه

يلْ لَهِنْ نكْ تَرْ حَملْ لي ذا قِلي عا تل ليا لي

2 3 2 2 3 2 2 3 2 2 3 2 = 2 3 4 3 4 3 4 3 2



مجزوء الرمل = 2 3 4 3 2 ....... 2 3 4 3 2

ولو كتبنا قصيدة الشاعر ناصر على النحو التالي تكون من مجزوء الرمل



دثريني يامنيرة =زمليني يامنيرة
يامنيرة في فؤادي= فرخ عبد طق زيره
من هنوف صوبها را= ع الهوى يشعب بعيره

والذي يقرر طول البيت هو القافية وإلقاء الشاعر

يرعاك الله.

[ناديه حسين]

شكرا استاذ خشان للاضافات القيمة ويعطيك ربي العافيه

[((إباء العرب))]

هزّاع بن سلطان آل نهيّان


http://www.youtube.com/watch?v=DKM-YJFkh9w





♥للـوطن دمــعة♥



للـوطـن دمـعـه علـى الخد الحزين وانـت لعيون الوطن يا شيخ شــــــــــوف



نعاهدك والعهد عهد المخـلـصـيـن شـايـلـيـن أرواحـنـا فـوق الكـفـــــــــــوف






الـوطـن وارجـالـهـا لك طـايـعــيـن الجـزع نـجـهـلـه ولا نشعـر بــخـــــــوف



لك بمـا نـمـلك بـإيـمـان ويـمــيـــن والـرجـال ارجـال فـي كـل الــظـــــروف







عـزوة بـلادي ورايـدها الأمــيــــن شيخـنــا والـعـز باسمك له وصـــــــــوف



يـا خـلـيـفـه شيخـنـا الفـذ الفطـيـن سـامـي النظـرات لك عيـن الهـــــــــدوف






سـربـنــا يـا قـايــد أسـبـاع العرين بـالــولا لـك كـلـنـا نرص الصـفــــــــوف



كلنـا لـك يـالـوفـى درع ٍ حـصـيــن تـحـت رايــاتـك وهـامـات السـيـــــــوف







مـا تــخـــاذلــنــا وشـرع الله ديــن ولا يـمـوت اللـي بدسـتـوره نشـــــــــوف



دمـعـة ٍ تـبـقـى على الخد الحزيــن ولا تغـيـرها الليـالــي ولا الصـــــــروف

[((إباء العرب))]

قصيدة الشاعر : ناصر الفراعنة

http://www.9adauae.com/vb/upload/08/10983_01208972253.gifيامنيرةhttp://www.9adauae.com/vb/upload/08/10983_01208972253.gif
دثرينـي يـا منيـره زملينـي يــا منـيـره
يا منيره في فـوادي فـرخ عبـدٍ طـق زيـره

من هنوفٍ صوبها راع الهـوى يشعـب بعيـره
سيـدة سـادات قـومٌ سـادةٌ أبـنـاء ســاده

من بهاها يا منيره ويش أوصِّف ويـش أخلـي
في جبين الطهـر منهـا بـدر سبتيـن متجلـي

هالـةٍ دون المصلـى أخلفـت وجـه المصلـي
في محاجرها عقيد القـوم يومـي بـه جـواده

الحجـاج هـلال مـا هـو فـي أهلتنـا مقيّـد
من يشوفه قبـل لا يبـدي هـلال العيـد عيّـد

لا متى والموت حدر رموشهـا السـود يتصيـد
لا متى ذبح البشر عند العيـون السـود عـاده

دوب يانـع وردهـا فـي روض لبتهـا تفتـق
في سحر منطوقها صرفٍ مـن الـراح المعتـق

وكن ظفايرها علـى الغـره ليـا قامـت تنتـق
خدم سـودٌ وقـوفٌ حـول بنـت البيـه غـادهٌ

يا وجـودي يالزبـاد الزبـد يالبيـض المقشـر
يوم حازت من أمامـي عمـد وأحمـر المؤشـر

مـا أنـا إلا أخـو عقـمٍ بمـولـودٍ مبـشـر
من سروري يوم أعانق طيفها فـوق الوسـاده

كن أصابعهـا مـن العنـاب أو بسـر عراقـي
أو بلح شـامٍ مجفـف أو قنانـي خمـر ساقـي

وكن ترايبها صحاف التـرك حمـران الطواقـي
في سنا نور رقبتهـا ذابـت أكثـر مـن قـلاده

فتنةٍ من شافها في جو سابـع عـرش عـرّش
كاد ناعم ثوبها فـي جسمهـا الغـض يتحـرّش

مرحبا يا مرحبا يـا مرحبـا بالطـش والـرش
بالحرير الحـر والغـرو الغريـر الغـر عـاده

كل مـا تكبـر تزيـن وكـل مـا تقـدم تجـدد
كن نحرهـا مـن وراء بوابـة الثـوب يتهـدد

حجم ناحل خصرها في ردفهـا لا جيـت أحـدد
حجم نقطة نون داخل نـون مـا تقبـل زيـاده

بيـن خصـرٍ إشتـراكـيٍ وردفٍ رأسمـالـي
ويل ويلي شيب عيني طر جيبـي ويـل حالـي

كل غضٍ فـي نحرهـا شايـفٍ نفسـه معالـي
والثنيـن بصـراحـه يستحـقـون الإشــاده

كن عايـم صدرهـا فـي وقفتـه قـرمٍ ينـادي
في خضم المعركه هل مـن مبـارز أو معـادي

من غروره يعتبر كل مـا نقولـه فيـه عـادي
يا مصابيح الرواهب من بياضـه فـي سـواده

من مـزاج الزنجبيلـه فـي شفـاه السلسبيلـه
أورد الساعـي كليـبٌ حتفـه نظـم الجليـلـه

جمـرةٍ فـي روح تمـره ضيعـت أبـو دليلـه
قايـدٍ حـاذاه قايـد ريـم وأنـسـاه القـيـاده

مـن ليونتهـا كـأن مالـه ولا عظـمٍ جسدهـا
ومن نعومتها تخاف خدودها مـن لمـس يدهـا

ومن كثر ما مشيها جذاب مـا تمشـي وحدهـا
ومن كثر ما جلدها صخيفٍ تحب اللبـس سـاده

ويش يسوى المسك وأبو المسك مع ريحة عرقها
يوم ذبت شالهـا وأهتـز فـي الملعـب حلقهـا

مـا كـأن الله مثـل باقـي مخاليقـه خلقـهـا
فتنةٍ كانـت طقـوس القصـر تعبدهـا عبـاده

[محمد عبد العزيز]

2 3 4 3 4 3 4 3 2

ومن3 كثر3 ما2 مشي3ها2 جذاب4 مـا تم4شـي و3حدهـا4

434423233

[ناديه حسين]

للاسف اخوي محمد عبد العزيز التقطيع غلط

لو تبي تتعلم افتح صفحة بقسم صفحات المشاركين ..والله معك

[أحمد فرج]

2 3 4 3 4 3 4 3 2

ومن3 كثر3 ما2 مشي3ها2 جذاب4 مـا تم4شـي و3حدهـا4

434423233

ومن 3 كثر 3 ما2 مشى 3 ها 2 جذ2 ذا2 بما3 تم2 شى2 وح2 دها 3
هذا حسب ما كتبه اخى او حسب ما نطقته
دثريني يامنيرة زمليني يامنيرة
دث2 ثرى 3 نى 2 يا2 مني3 ره2 زم2 ملي3 نى 2 يا2 مني3 ره 2
هذا مجزوء
2 3 4 3 2 2 3 4 3 2