محمد القحطآني - سهم المنايا- نبطي

[محمد القحطاني]

السسلام عليكم ومسسآكم\ صبآحكم شعر وباقات وورود ....

محبتي للشعر وتعلم بحورهآ وكتابتهآ بالشكل السليم جرفني الى صرحكم العظيم ... فإتمنى ان اكون آخ وصديق لكم ... ولنبحر سسويآّ في بحور الشعر ..

على بركة الله بدأت ....:وز:

[محمد القحطاني]

بسسم الله ....

اول مششآركه ببدئهآ بإبيآت كتبتهآ من ششوي واتمنى انتقآدكم وتوجيهكم فيهآ لآ هنتو ...


البارحه جآني خبر موت خلّي .....عذال قلبي بالخبر بشروني
ودهم بشوفة دمع عيني يهلّي .....حسبي عليهم يومهم خبروني
ياوجد حالي والسبب ما حصل ّلي .....تكفون ببكي وسمحو وعذروني
ياليت موتي وسط روحي يحلّــي ....لجل إنكم مع صاحبي تقبروني



وسلآمتكم :)

[خشان خشان]

بسسم الله ....

اول مششآركه ببدئهآ بإبيآت كتبتهآ من ششوي واتمنى انتقآدكم وتوجيهكم فيهآ لآ هنتو ...


البارحه جآني خبر موت خلّي .....عذال قلبي بالخبر بشروني
ودهم بشوفة دمع عيني يهلّي .....حسبي عليهم يومهم خبروني
ياوجد حالي والسبب ما حصل ّلي .....تكفون ببكي وسمحو وعذروني
ياليت موتي وسط روحي يحلّــي ....لجل إنكم مع صاحبي تقبروني



وسلآمتكم :)

أ
هلا ومرحبا بك أخي الشاعر الكريم محمد القحطاني

أعجبتني أبياتك وهي تدل على مستوى عال من الموهبة والشاعرية .

أتمنى أن يروق لك الرقمي وأن تكون دراستك لعروض النبطي تمهيدا لدراستك لعروض الفصيح.

والله يرعاك.

[محمد القحطاني]

الله يطول عمررك على طآعه يالغالي ....

وتونا في بداية الطريق للشعر ... وان شاء الله نستفيد ونفيد .... وبالنسسبه للفصيح مآني من هوآته عشان اكون صادق معك ... :)

ومشكور على الاطرآء ولاهنت

[محمد القحطاني]

حآن وقت النوم ولآزم نقول بيتين عشان ننآم والبال متهني .........

آقول فيهآ :

يآحلو وش جاك مني عشان تصد ........ ماذكرت اني جرحتك ابد مره
يآتغـــير كــبريــــاء الصـدود بـــود .............. يآ تعال وخذ حبيبك الى قبره


وسلآمتكم...... تصبحون على خير

[(عبير التميمي)]

ماشاء الله تبارك الله
بداية جميلة وقوية ومميزة
صح لسانك وحياك الله محمد القحطاني ..
:وب:

[محمد القحطاني]

اختي عبير الجمآل والتميز .. بحر نستقيه من اطروحآتك العذبه ..

شآكر مرورك وحسسن ذوقك .. دمتي بودّ

[محمد القحطاني]

الدرس آلآول وعلى برركة الله ...

الحل :

بلى = 11 ه
راقي= 1ه1ه
صاحبي= 1ه 11ه


صححـو ا لي :)

[محمد القحطاني]

الهوم روك الثاني ..خخخخ قصدي التمرين الثاني


اربعه مقاطع اسباب واربعه وتد


نبدء :
وقتي = وق تي = 1ه 1ه
ارجو = ارّ جو = 1ه 1ه

اذا == 11ه
عسى == 11ه
ليا = 11ه وفق نظرية المعتل الاول يصبح متحرك ... مع اني انا اقطعها دائم بهالطريقه ليا= لي يا = 1ه1ه بس ياليت تتأكدون لي

خبر = 11ه

وعسآكم سسآلمين

[محمد القحطاني]

اووقفـ عن هالتمرين اليوم واتفرغ الي مذآكرة مادة الرياضيات ...... عندي اختبار اليوم دعوآتكم :(

رياضيات = ري يا ضي يا ت = 1ه 1ه 1ه 1ه 1

[خشان خشان]

اووقفـ عن هالتمرين اليوم واتفرغ الي مذآكرة مادة الرياضيات ...... عندي اختبار اليوم دعوآتكم :(

رياضيات = ري يا ضي يا ت = 1ه 1ه 1ه 1ه 1

أدعوه تعالى أن ينجحك .

وإلى أن يعرج أساتذة النبطي على تطبيقاتك

ريا 3 - ضِيْ 2 - يا 2 - تْ ه = 11ه - 1ه - 1ه - ه= 3 2 2 ه

[ناديه حسين]

حياك الله اخوي محمد

بدايه موفقه وصح لسانك ابياتك حلوه

عندك مشكله في الشده

ليا = 3 مثل ماقلت لأن ياءها ماهي مشدده

اما في رياضيات والله يوفقك وينجحك

الياء الاولى ماهي مشدده يصير مثل ماقال الاستاذ خشان

ريا 3 ضي2 يا2 ت ه

الياء الثانيه مشدده

لاحظ في النطق كيف تقرأ المشدده حرفين والمتحركه ياء واحده

ريا ضي يا ت

والى الامام:وح2:

[محمد القحطاني]

مشكورين وما قصرتو آ

يعني كلمة عيوني == عيو ني 11ه1ه.........؟ كذا مضبوط

انا مشآكلي دايم بحروف المد اذا اشتبكت بس تهون ان شاء الله :)

وجزآكم الله الف خير ع الدعوات

[(العنود سعود)]

صح قلبك وكلك ـ، وحياك الله بيننا

آملين لك الفائدة والتوفيق

كل التقدير

[ناديه حسين]

مشكورين وما قصرتو آ

يعني كلمة عيوني == عيو ني 11ه1ه.........؟ كذا مضبوط

انا مشآكلي دايم بحروف المد اذا اشتبكت بس تهون ان شاء الله :)

وجزآكم الله الف خير ع الدعوات

نعم

عيوني = عيو3 ني2

3 2

ومع الايام ان شاء الله بتعرف المد

المد بثلاث حروف(الالف &الواو&الياء )


والله معك:rose:

[محمد القحطاني]

جديد ابياتي الاخيره واللي ابكملها لتكون قصيده مليئه بالافكآر بس اللحين حطينآ اساس القصيده واساس الفكره بس ياليت تتأكدون لي من الوزن ........

الابيات:

وش فيك يوم إحتجت لك مآلقيتك......في قمة الحآجه ورآك اختفيــــــــت
صوتي تقطّع من كثر ما دعيـــتك.......كم مرّت(ن) قد صحّت لك ما وعيـت
لو أعرف إنك تختفي لا بغيتـــــــك....بموت م حتجتك ولـوّي بغيـــــــــــــت

وسلامتكم..

على وزن المسسحوب يآليت تتأكدون عشان اكمل مشروع هالقصيده ودتم بودّ

[ناديه حسين]

جديد ابياتي الاخيره واللي ابكملها لتكون قصيده مليئه بالافكآر بس اللحين حطينآ اساس القصيده واساس الفكره بس ياليت تتأكدون لي من الوزن ........

الابيات:

وش فيك يوم إحتجت لك مآلقيتك......في قمة الحآجه ورآك اختفيــــــــت
صوتي تقطّع من كثر ما دعيـــتك.......كم مرّت(ن) قد صحّت لك ما وعيـت
لو أعرف إنك تختفي لا بغيتـــــــك....بموت م حتجتك ولوّي بغيت

وسلامتكم..

على وزن المسسحوب يآليت تتأكدون عشان اكمل مشروع هالقصيده ودتم بودّ


صح لسانك اخوي محمد

الابيات موزونه وجميله مبنى ومعنى

وتقدر تكلملها مثل مابديتها


وللعلم

ناقصه حرف عن المسحوب التام في عجز القصيدة وهذا لا يضر الوزن
ووش رايك لو اضفت حرف للاخير وخليتها مسحوب تام

وش فيك يوم إحتجت لك مآلقيتك......في قمة الحآجه ورآك اختفيــــــــتي
صوتي تقطّع من كثر ما دعيـــتك.......كم مرّت(ن) قد صحّت لك ما وعيـتي
لو أعرف إنك تختفي لا بغيتـــــــك....بموت ما جيتك لوانتي بغيـــــــــــــتي

ودمت بخير

[محمد القحطاني]

صح بدنك يالغلا .... من ذوقك ..

فكرت اضيف الياء لكن بتحرمني من افكآر كثيرهـ ... خصوصن القافيه وتبادل الادور في القصيده تلعب دور مهم لو اضفت الياء صعب اني اتكلم عن نفسي بالقصيده ..

وحلو ان الشاعر يفكر انه يجيب ابيات سلسه وسهله الفهم وشآكر لك يالغلا مسساعدتي وتشجيعي ...

وبالنسسبه للدروس ما اظن اقدر اكملها او شي لإني ادرس ترم صيفي بالجامعه وبصراحه اشوف نفسي ملم فيها لكن بحآول اتقيد فيها


شاكر لك مرره اخرى ودمتي بود...

[محمد القحطاني]

الششي الثآني اللحين كيف اتخرج من عندكم وآخذ ششهآده عشان اروح اقدم على وظيفه خخخخخ :)


لا من جد يعني يحتآج اني اخلص جميع الدروس ولا اقدر اخذ الشهاده مباشرره ...

سسوي لي اختبار شامل وابجتآزه وعطوني الشهادهـ :) < مستعجل على التخرج يبي يكمل دراسات عليا

[محمد القحطاني]

نكمل المشوآر الدرآسسي للتخرج ...

واللحين مع الدرس الثآلث ..

المطلوب شطرين او ثلاثه من الشعر مع تقطيعهآ ..

لاتحسب(ن) دمعي نزل دون سبه ... ابكي من الفرقا وهي مابعد جات ..

لا تح سبن دم عي نزل دو نسب به . اب كي منل فر قا وهي ما بعد جا ت
2 2 3 2 2 3 2 3 2

ونفسه بالعجز مع زياده حرف القافيه ...

بحر المسحوب ..

[محمد القحطاني]

الدرس الرابع ...

تمرين :أورد ثلاث كلمات أو عبارات فيها أرقام 4 أو أكثر وقطعها

عباره ع السريع
جرحي بيّن في داخل العين ...
جر : حي: بي: ين : في : دا : خل : ال : عي : ن < لإكتمال المعنى لا اكثر
2 2 2 2 2 2 2 2 1

[محمد القحطاني]

الدرس الخامس...
تمرين :انظم على الاوزان المطلوبه ...


حبيبي علامك ...تكثر ملامك


حبي:بي:علا:مك .......تكث:ثر:ملا:مك
3 2 3 2


يا حلو طالبك حنّ .... و لاتكثر جروحي ----> الواو هنا للعطف ...وليست ضمن الوزن

يا : حلو : طا :لبك : حن ........ لا : تكث : ثر : جرو :حي

2 3 2 3 2


ياليتني متّ....ماذقّت جرحك

يا: لي: تني : متّ ... ما : ذق: تجر : حك
2 2 3 2

تم ولله الحمد...

[ناديه حسين]

الدرس الرابع ...

تمرين :أورد ثلاث كلمات أو عبارات فيها أرقام 4 أو أكثر وقطعها

عباره ع السريع
جرحي بيّن في داخل العين ...
جر : حي: بي: ين : في : دا : خل : ال : عي : ن < لإكتمال المعنى لا اكثر
2 2 2 2 2 2 2 2 1

ممتاز

وملاحظات بسيطة

داخل العين = دا خلل عي ن = 2 3 2 ه

ولما تنهي الكلام يكون الحرف الاخير ساكن وليس واحد

الله معك

[ناديه حسين]

الدرس الخامس...
تمرين :انظم على الاوزان المطلوبه ...


حبيبي علامك ...تكثر ملامك


حبي:بي:علا:مك .......تكث:ثر:ملا:مك
3 2 3 2


يا حلو طالبك حنّ .... و لاتكثر جروحي ----> الواو هنا للعطف ...وليست ضمن الوزن

يا : حلو : طا :لبك : حن ........ لا : تكث : ثر : جرو :حي

2 3 2 3 2


ياليتني متّ....ماذقّت جرحك

يا: لي: تني : متّ ... ما : ذق: تجر : حك
2 2 3 2

تم ولله الحمد...

:asddg:ماشاء الله تبارك الله :asddg:

:996::s43:ممتـــــــــــــــــــاز:s43::996:

و الف مبرووووووووووووووك النجاح

اخوي محمد

تبي شهادتك الحين ؟ أو تكمل المنهج كله ؟

:ز ز: ودمت بخير

[محمد القحطاني]

امم اللي تشوفينه والله ...

عآدي اكمل وإن شاء الله ابتخرج بسسرعه ...

وشآكر لك التصحيح والتدقيق استآذتي العزيزهـ ..

دمتي بودّ
..

[محمد القحطاني]

ابيآت على وزن خفيف الشمس وهي اهدآء للآستآذه نآديهـ واتمنى انها تنآل استحسآنكم
....



ياجروحي متى تغيبين عنّي ,,,,,, واعيش رايق بدون هم وفجيعه
دمع عيني بعد مطيحه سألني,,,,,,,يا محمد متى تحين القطيعه
مدمعي ملنّي ويمكن رحمني,,,,,,ويمكنه ماحتمل همومي طبيعه

وسلآمتكم ...

تقطيع البيت الاول : يا : جرو : حي :متى :تغي:بي:نعن:ني........(و)عي: شرا:يق:بدو:نهم:مو:فجي:عه

[محمد القحطاني]

نكمل الدروسّ....

التخبيب ...

المطلوب ..قطع مقطع .. وانظم على نفس الايقاع واللحن


قالت : تعرف رأيي مبطـي // لا تخطـي ..تكفـا لا تخطي
ما ذوّبنـي غيراشعارك..فديت الشعـر وراعيـّه


قا: لت: تع:رف: را : يي: مب: طي .......لا : تخ : طي : تك: فا: لا: تخ :طي

ما : ذو: وب: ني: غي:رش:عا:رك.......في:دي:تش:شع:رو:طا:ري:يه

2 2 2 2 2 2 2 2 ...


الكتابه ...

يامحمد قلي ياعيوني ...........كيف ابكي علمني تكفا

جرحي جاني همي دوني....ماظنيتك ليّه تجفا

يم : حم:مد:قل:لي:يع:يو:ني...كي:فب:كي:عل:لم:ني:تك:فا

2 2 2 2 2 2 2 2

[ناديه حسين]

ابيآت على وزن خفيف الشمس وهي اهدآء للآستآذه نآديهـ واتمنى انها تنآل استحسآنكم
....



ياجروحي متى تغيبين عنّي ,,,,,, واعيش رايق بدون هم وفجيعه
دمع عيني بعد مطيحه سألني,,,,,,,يا محمد متى تحين القطيعه
مدمعي ملنّي ويمكن رحمني,,,,,,ويمكنه ماحتمل همومي طبيعه

وسلآمتكم ...

تقطيع البيت الاول : يا : جرو : حي :متى :تغي:بي:نعن:ني........(و)عي: شرا:يق:بدو:نهم:مو:فجي:عه

مبدع اخوي محمد

صح لسانك كملها تراك ابدعت

وبضيفها للدرس

الله معك

موفق:وح2:

[ناديه حسين]

نكمل الدروسّ....

التخبيب ...

المطلوب ..قطع مقطع .. وانظم على نفس الايقاع واللحن


قالت : تعرف رأيي مبطـي // لا تخطـي ..تكفـا لا تخطي
ما ذوّبنـي غيراشعارك..فديت الشعـر وراعيـّه


قا: لت: تع:رف: را : يي: مب: طي .......لا : تخ : طي : تك: فا: لا: تخ :طي

ما : ذو: وب: ني: غي:رش:عا:رك.......في:دي:تش:شع:رو:طا:ري:يه

2 2 2 2 2 2 2 2 ...


الكتابه ...

يامحمد قلي ياعيوني ...........كيف ابكي علمني تكفا

جرحي جاني همي دوني....ماظنيتك ليّه تجفا

يم : حم:مد:قل:لي:يع:يو:ني...كي:فب:كي:عل:لم:ني:تك:فا

2 2 2 2 2 2 2 2

صح لسانك ملاين روعه

وبعد لو قلتها
فديت
فد دي ت

تجي احلى

تقدم للتالي الله معك :وح2:

[محمد القحطاني]

صح بدنكــ ... وذوقك منبع الابدآع كله ..


إن شاء الله آحاول اكملهآ ياررب .. ويشرفني ويزيدني تشجيع آنها تكون في دروسكـ..

شآكر لك إهتمامك وتشجيعكــ ..

دمتّي بود..

[محمد القحطاني]

صح آشاركك الرآي في فديت ..

بس انا قطعتهآ وفق نطق الشاعر مطلق النومسي المرفق في الدرس ..


اذا ماني غلطآن قآلهآ في دي تش ....

ومنك نستفيد ....

[ناديه حسين]

اي اضافه هي رأي شخصي

فد دي تك حلوة
وصح
وفي دي تش حلوة وصح

ماشاء الله عليك ماعندك اخطاء

وحتى مالونته بالأحمر في مشاركاتك السابقة فهمت انها اخطاء كيبودية في حينها لذلك ماقلتلك عيد التمرين


وسلامتك

[محمد القحطاني]

الله يسسلمك ...

واسعدتيني بخبر ماعندي اخطاء لزوم نعلم الشيخ بالسالفه < خخخخخخ لايكثر

الله يسسلمك وبإذن الله اواصل الى ان يتم تخرجي :(

[محمد القحطاني]

تمّ اضافه بعض الابيات الى الابيات الثلاثه السابقه... (خفيف الشمس)

واتمنى ان تنال استحسانكم بالحله الجديدهـ...

وانتظر انتقاداتكم وارئكم...

ياجروحي متى تغيبين عنّي ,,,,,, واعيش رايق بدون هم وفجيعه
دمع عيني بعد مطيحه سألني,,,,,,,يا محمد متى تحين القطيعه
مدمعي ملنّي ويمكن رحمني,,,,,,ويمكنه ماحتمل همومي طبيعه
غير حسبي على حبيب(ن) طعنّي,,, واستغل عشقنا بمكر وخديعه
زاد جرحي جرح وبعده قتلني,,,,وارتكب بالهوى جريمه شنيعه
لا...! وجا يوم دفنتي ثم دفنّــي,,,,, ثم دعا لي عسا أجوري وسيعه
لا...! وعزّا قرايبي مع ذويني,,,,,ومن دموع الكذب خلق لي دميعه

( اتمنى يكون النطق في لا...! بصورة تعجبيه لتعطي صوره جماليه في القراءه )

وسسلآمتكم ...

[محمد القحطاني]

اللحين آنا خلصت ولآ باقي ........

وياليت تقولون لي وش الباقي .. او انكم تسسون حفلة تخرجي :)

.....
شآكر لكم ...

[محمد القحطاني]

نكمل هذه ابيات كنبتها ع السريع على بحر المتقاررب ...


عيوني وروحي وكلي هديه ....متى ما تبيهن تراها فدالك
بدونك حياتي ياخلّي شقيه .....طلبتك ماتحرم حبيبك وصالك


عيو=ني = ورو=حي=وكل-لي-هدي-يه............متى-ما=تبي-هن=ترا-ها=فدا=لك


دمتم بودّ...

[محمد القحطاني]

انا الان ابمششي على البحور كلها بديت بالخبب وكتبت عليه...

الرجد مايفتح معي بس اتوقع انه مثل وزن الخبب ...

المتقاررب كتبته في الرد اللي طاف ...

واللحين بحر الحدآء ...

خطيت من جزل الشعر شعر(ن) يفاخر بي كما..... بنت(ن) تفاخر من فعايل زوجها واخوانها
بنت(ن) لها في بيت شيخان العرب ارض وسما....لو تعتزي ماتوا عربنا كلهم من شانهـــــــا

وسلامتكم ...

[محمد القحطاني]

up :وب:


:aqrtt:

[محمد القحطاني]

باك..

توقفنآ عند بحر الهزج...

ووزنه 3 2 2 3 2 2 ...

وهذه ابياتي عليه ..

ياناديّه نجاحي طال...............وشعري بالاصل ناجح
قصيدي ثابت(ن) ما مال........وغيري بالشعر شاطح

التقطيع :
ينا=دي=يه=نجا=حي=طا=ه........وشع=ري=بل=اصل=نا=جح
3 2 2 3 2 2 ه

(ناديه يكون الياء متحرك ولآكن ششدتهآ بالنطق ليستقيم الوزن ولعلها من الضروريات التي يلجأ اليها الشاعر )

وسلآمتكم..

:وز:

[محمد القحطاني]

وصلنآ الى بحر اللعبوني ..

وكتبت عليه هالابيات ...


ياقصيدي بزهمك بسمك وقوم..... قومتن في وسطها شعرن جزيل
قومتن يا جعلها دايم تدوم........قومتن جزله لها حمل(ن) ثقـــيل


التقطيع : يا =قصي=دي=بز=همك=بس=مك=وقو=م .........قو=متن=في=وس=طها=شع=رن=جزي=ل

2 3 2 2 3 2 2 3 ه لكلا الشطرين..

ودمتمّ,

[ناديه حسين]

هلا اخوي محمد وماشاء الله تبارك الله

صح لسانك وممتاز واحسنت
وبما اننا في منتدى عروضي نجعل الشعر في المرتبة الثانيه

وتأخر الاحتفال بشهادتك لتأخذ شهادة على كل المنهج وليس فقط شهادة على مبادىء العروض الرقمي

وتستاهل شهادة مميزة

تقدم للتالي

وصح لسانك خفيف الشمس على الكيف والحين انقل ابياتك للدرس

ودمت بخير:وح2:

[محمد القحطاني]

وش المنهج .... عاد عشان آكملّه :)

وشآكر لك ... يالغلا ..
دمتي بودّ

[محمد القحطاني]

ونكمل واللحين مع بحر الهجيني ...


وابياتي عليه ..


يازين كافي جروح وهم ..... ارحم حبيبك ولو مره
دمعي بوسط الخدود التم.......عيني تعوّد على نثره


التقطيع : يا=زي=نكا=في=جرو=حو=هم.....ار=حم=حبي=بك=ولو=مر=ره

2 2 3 2 3 2 2 ..

ودمتم بودّ......

[ناديه حسين]

صح لسانك والى الامام

[محمد القحطاني]

اسسف على الانقآطع وذلك لإسباب السفر ...

واللحين نكمل وقفنآ عند بحر الممتد ...وابياتي



سافرت تاركن داري ودمعي يسيل ....... جعل من لامني في دمع عيني يموت
ياطريق السفر فرقتني من خليـــل ....... لو يفوت الوصل ذكره ابد ما يفوت


وسلامتكم ...

سا =فرت -تا=رك(ن) =دا=ري =ودم=عي=يسي=ل ......=جع-لمن=لا=مني=في=دم-ععي-ني-يمو-ت

دمتمّ بود...

[محمد القحطاني]

وقفنا عن بحر الصخري ....

قصيدي لا نوى جاب الجزيله ..... يجيب الكايده مع زين الالحان

جزيل(ن) ما يعانق له رذيــله ..... وله صولة حرب في كل الازمان

قصي=دي=لا=نوى=جا=بل=جزي=له.... يجي=بل=كا=يده=مع=زي=نلل=حا-ن

وسلآمتكم ...

[محمد القحطاني]

واللحين خفيف الشمس وكتبنآ عليه قصيدهـ كامله ...

والمسحوب وكتبت هالبيتين ....


البارحه جاني خبر موت خلّي...عذال قلبي بالخبر بشروني
ودهم بشوفة دمع عيني يهلي...حسبي عليهم يومهم خبروني

التقطيع ... ال=با=رحه=جا=ني=خبر=مو=تخل=لي..عذ=ذا =لقل=بي=بل=خبر=بش=شرو=ني

[طالب علم]

يصح لسانك يا محمد والى الامام

[محمد القحطاني]

صح بدنك ... ونورت صفحتي يالغلا

[محمد القحطاني]

واللحين بحر الشيبآني ,,, وكتبنآ عليه هالابياتات ..

على شاطي بحر الاحزان هلت دمعتي فيني .... دموعي بلّلت خدي وقلبي مات بضلوعي

رجيتك هيت لي وامسح دموع(ن) بانت بعيني ... رجيتك هيت لي سرعه اخاف اموت من لوعي

التقطيع .. على =شا=طي=بحر=لح=زا=نهل=لت=دم=عتي=في=ني .......دمو=عي=بل=للت=خد=دي=وقل=بي=ما=تبض=لو=عي

[محمد القحطاني]

إعتذار ... يحمل في طيآته بالغ الحزن وآلاســـىا ...

اعتـذر الى الشــعر الذي طآلمآ رافقـني وكآن ونيس غربـتي .. وإعتذر الى الحروف التي نسجت منهآ شعرآ يبهر السآمعين ويعجب المتذوقين...

واعتذر لكم آخوتي الذين دعمتموني في كتآباتي و كآن لتوجيهكم لي بآلغ الفضل بعد الله في تميزيّ ...


اعتذر وذلكـ عن غيآبي لمده اسبوع عن الموقع وعن الشعر بإكمله وذلك لظروف الاختبآرات الجآمعيه..
( أسأل المولى ان يكتب لي فيهآ التوفيق والنجآح )

واطلب منكم العذر والدعآء وشآكرا لكم ...

[ناديه حسين]

حياك الله اخوي محمد والله لايضيع لك تعب ويوفقك بكل امورك

شيباني جميل صح لسانك ولاهنت

تقدم على بركة الله

ودمت بخير:وح2:

[محمد القحطاني]

السسلام عليكم , الشهر مبآرك . واعود بعد التوقف ...


وصلنا بحر المديد

وكتبت ع السريع هالبيتين :

ياحبيبي الوعد جاك مني ,,, الوصل بينا على طول باقي
الوفاء طبعي وجرب وخني,,, بقهرك بالحب وبإسلوب راقي

الوزن :
يا=حبي=بي=ال=وعد=جا=كمن=ني ,,,,ال=وصل=بي=نا=على=طو=لبا=قي

2 3 4 3 2 3 2


سوالم

[جراح الروقي]

مرحبا اخوووووووووي محمد


حبيت اسسسسسجل اعجابي فى بيوووتك


مبدع ما شاء الله عليك

[جراح الروقي]

السسلام عليكم , الشهر مبآرك . واعود بعد التوقف ...


وصلنا بحر المديد

وكتبت ع السريع هالبيتين :

ياحبيبي الوعد جاك مني ,,, الوصل بينا على طول باقي
الوفاء طبعي وجرب وخني,,, بقهرك بالحب وبإسلوب راقي

الوزن :
يا=حبي=بي=ال=وعد=جا=كمن=ني ,,,,ال=وصل=بي=نا=على=طو=لبا=قي

2 3 4 3 2 3 2


سوالم


اتوقع اللى بالاحمر يبيله حاجه بسيطه بس

[محمد القحطاني]

هلا آخوي جرآح , يشرفني اعجآبك ويهمني رأيك ...


لكن بالنسبه للبيت او بالاصح الشطر فهو موزون يالغالي ,
او زودني بالخلل بشكل واضح ,


سوالم لك يالغلا .. نوت متصفحي

[محمد القحطاني]

بحر المنكوس ,

بحير جميل وكتبت عليه قبل اربع سنوآت .. بس كانت باللحن وما كنت اعرف انه المنكوس , وهذا اللي كتبته قبل اربع سنوآت

على بحر المنكوس :


شبابي قضى والشيب فيني بدا .... بدا شيب راسي والعمر ستطعش

مدام الزمن قاسي وليه جفا ...... .تراني نويت الموت وين النعـــــــــش


التقطيع:

شبا-بي-قضا-وش-شي-بفي-ني-بدا-,,,بدا-شي-برا-سي-وال-عمر-ست-طعش



سوالم,

[ناديه حسين]

بحر المنكوس ,

بحير جميل وكتبت عليه قبل اربع سنوآت .. بس كانت باللحن وما كنت اعرف انه المنكوس , وهذا اللي كتبته قبل اربع سنوآت

على بحر المنكوس :


شبابي قضى والشيب فيني بدا .... بدا شيب راسي والعمر ستطعش

مدام الزمن قاسي وليه جفا ...... .تراني نويت الموت وين النعـــــــــش


التقطيع:

شبا-بي-قضا-وش-شي-بفي-ني-بدا-,,,بدا-شي-برا-سي-وال-عمر-ست-طعش



سوالم,

صح لسانك عندك نقص في

ليه جفا

لازم تكون وليه الجفا

الله يطول عمرك والى الامام:aqrtt:

[ناديه حسين]

السسلام عليكم , الشهر مبآرك . واعود بعد التوقف ...


وصلنا بحر المديد

وكتبت ع السريع هالبيتين :

ياحبيبي الوعد جاك مني ,,, الوصل بينا على طول باقي
الوفاء طبعي وجرب وخني,,, بقهرك بالحب وبإسلوب راقي

الوزن :
يا=حبي=بي=ال=وعد=جا=كمن=ني ,,,,
ال=وصل=بي=نا=على=طو=لبا=قي

2 3 4 3 2 3 2


سوالم

والاخ جراح اتوقع قراها

يا حبي بل وع دجا كمن ني

ولكن كما قطعتها اخوي محمد صح لكن بتلاقي كثير يقولو لك مثل ماقال جراح وبتلاقي انتقادات لان القراءه الاقرب للكلماات كما قطعت اعلاه

والله معك

[محمد القحطاني]

مشكوره آختي نآديه , بس انا ما اقطع آنا استخدم اللحن وبعدهآ اقوم بالتقطيع وتقطيعي يكون وفق لحنّي , عشان كذا يكون التشيك دايم بعنآيه

وليّه جفا< تنطق كذا ولي يه جفآ ( يعني مادام الزمن قاسي وعلي جفا ) ولي يه ..


ومشكوره على ارائك يالغلا واللي آكيد بتكون في عين الاعتبار في مسيرتي الشعريه اللي لآ زالت في بدآيآتها واسعى لتطويرها اكثر واكثر ,,,


:وح:1

[ناديه حسين]

شوف اخوي

في احد ابياتي كتبت

ماأبي اطبخ فطور

على الوزن
2 3 4 3 ه
انا على اللحن قلتها ما 2 ابي3 اطبخ4 فطو3 ر ه

في ناس ماقرؤها صح

ولامانع ان اقول

ما2 بيط3 بخ 2 لك2 فطو3 ره

ودائما المشكله في القارىء حيث يقرأها كما يقرأها

فقط اخبرتك هذه الملاحظه حتى يمكنك الاجابه اذا سئلت

ودمت بخير

[محمد القحطاني]

اكيد ومنك نستفيد , وشكرآ لكـ , والقراءات تختلف من شخص الى شخص , لكن لمآ تكون في مجلس او جلسة شباب وقلت قصيدتكـ فبتكون واضحه بالسسمع وهذا المهم ,

مثل وليّ يه جفا , ما أدري اذا تستخدم في لهجتك استاذه ناديه , لكن عندنا معروفه ومستخدمه والكل بيعرف يقراها لو كتبت له , على العموم آنا توني في بدآياتي الشعريه وبالتأكيد لا اقآرن بخبرتك :)

وانا ما جيت هنا الى استفيد واتعلم وماعندي مشاكل لو ابقى اتعلم 5 سنين زياده ,, :)

[ناديه حسين]

خلاص انت تعلمت العروضو ماشاء الله عليك

والموهبه موجوده يعني ..قداااااااااام

الله معك

[محمد ابن غضيان]

ماشاء الله صفحه مشرفه

وكل عام وانت بخير
عاد عيدك يامحمد عاد عيدك
كل عامن وانته بخير وسلامه

[محمد القحطاني]

عذرآ عن الانقطآع ,,

[محمد القحطاني]

قد قلت لك لاتصآفح النآس بيديـك ,,, مآنيب غــآير بــس خــآيـــف عليـهم

بعد المصآفح محـْـد قــآوي يخليـك ,,, ويمكــن جمآلك يقتــل الـروح فيـهــم

رد السلآم بـ صــوتك إن كآن يكفيك ,,, وآحكـي معآهم دون تلمــس يــديهـم

( آتمني منك تنفيذ النصيحـه حفآظا على اروآح آلنآس )

من بــوحّـي المتوآضـع ,,

[ناديه حسين]

قد قلت لك لاتصآفح النآس بيديـك ,,, مآنيب غــآير بــس خــآيـــف عليـهم

بعد المصآفح محـْـد قــآوي يخليـك ,,, ويمكــن جمآلك يقتــل الـروح فيـهــم

رد السلآم بـ صــوتك إن كآن يكفيك ,,, وآحكـي معآهم دون تلمــس يــديهـم

( آتمني منك تنفيذ النصيحـه حفآظا على اروآح آلنآس )

من بــوحّـي المتوآضـع ,,

صح السانك ملايين اخوي محمد

ابيات جميله


:وح2:

[محمد القحطاني]

بدآية إسبـوعي مليــئه بالاحـــــــــــزآن ,,, حتى الإلـم في وسط قلبي تعمـّـــر
قبل إمس نفرح لجل فقدآن شيطــــآن ,,, واليوم برج الخيـر سلطــان دِمّـــــــــر
اشّره على المـوت إن تذكرت سلطـآن ,,, وآثنـي على الموت إن طرآ لي معمّر

الله يرحمك يآ بو خآلد ,,

بوح ّ ,,,

[ناديه حسين]

حياك الله اخوي محمد

وصح لسانك

ابيات ترد الروح والقصيدة





يبــه إذا إني مت وصآتي خذ الثار ,,, تكفى وتكفى لا تهمل وصاتي

احشد جيوشك واحرقه حرق بالنار ,,, لاترحمه دامه سلب لي حياتي

جريمته كانك تبي دون تحتــــــــآر ,,, خذ جثتي فتش بقلبي وذاتي

لآتندهش لو شفت طعنات(ن) كثآر ,, غض النظر ولطعنتي لآ تحآتي

من كثر مآ قلبي تجـرع الامــرآر ,, بديت احس ان الحزن من صفاتي

قلـّته وانا مومن بتقدير الاقــدآر ,, والمنكتب صوبي مصيره ويآتي

لذا طلبتك حآربه حرب كفآر ,, وإقتل خصيم(ن) كاان سبه وفآتي

بس انتبه واحذر ومنّي لكـ إنذار !! ,, لآهي تجي عينه بعينك بتآتي

لو جآت عينه في عيونك بتنهآر ,,, شــ اللي ذبحني غيرها يا غنآتي ! ?


بوحّ ,,,:وح:1

اكثر من رائع
وهنا بإمكانك ادراج قصائدك الجميلة

http://arood.com/vb/showthread.php?p=48363#post48363

ودمت بخير:وب:

[محمد القحطاني]

اشكرك آسستاذتي , على جهودك وتشجيعك

واكرر اسفي المستمر على انقطآعي وذلك لظروف دراستي الجامعيه التي طآلما ابعدتني عن الشعر وعن هذا الموقع المميز الذي يروي عطششي الدآئم للشـعر


فكل مآ أرجوه هو ان تعذروني إن غبت وترحبوا بي إن حضررت ,


واشكرك على الصفحه واتمنى ان تكون مشرفه وعند حسن ظنك آستاذتي فإنا لآ زلت في بدآياتي وانتظر الدعم والتوجيـه ,


شآكر ومقدرّ

[محمد القحطاني]

دآم الــردي في هالــزمن مغـــتني مــآل .... ف يآرب تجعلــني من المآل مـحــــروم
ويآللـــي تفـآخر بالدراهـــــم والآمـــــوال .... بعلـّمك حآجــه تســــآوي لهآ عــلــــوم .!
لـو كل من يمــلك له "ريـــآل " رجـــــآل!! ... كآن إغلـب (إ)رجــآل العرب صكّة رخـوم

[طالب علم]

دآم الــردي في هالــزمن مغـــتني مــآل .... ف يآرب تجعلــني من المآل مـحــــروم
ويآللـــي تفـآخر بالدراهـــــم والآمـــــوال .... بعلـّمك حآجــه تســــآوي لهآ عــلــــوم .!
لـو كل من يمــلك له "ريـــآل " رجـــــآل!! ... كآن إغلـب (إ)رجــآل العرب صكّة رخـوم


يا هلا فيك محمد خوي .. منوّر .. والله يكون بعونك

من طوّل الغيبات جاب الغنايم ههههههههههه

بعد اذنك بغيت منك تقطّع الابيات اللي كتبته

وبانتظارك

أخـوك

[محمد القحطاني]

دا -مر -ردي -في -هز-زمن مغ -تني -ما ل

ف<-- حرف عطف غير محسوب يا -رب-بتج-عل-ني-منل-ما-لمح-رو م


ويل=لي=تفا=خر-بد=درا=هم=ولم=وا ل

بعل-لمك-حا=جه=تسا=وي=لهع=لو م

لو= كل =لمن =يم =لك =لهر =يا=لرج=جا ل
كا-نغ-لبر=جا=لل=عرب=صك=كـتر-خو م

[طالب علم]

دا -مر -ردي -في -هز-زمن مغ -تني -ما ل

ف<-- حرف عطف غير محسوب يا -رب-بتج-عل-ني-منل-ما-لمح-رو م


ويل=لي=تفا=خر-بد=درا=هم=ولم=وا ل

بعل-لمك-حا=جه=تسا=وي=لهع=لو م

لو= كل =لمن =يم =لك =لهر =يا=لرج=جا ل
كا-نغ-لبر=جا=لل=عرب=صك=كـتر-خو م



ما شالله عليك يا محمد

ممتــــــــاز


تحاياي لشخصك الكريم وبانتظارك لتكمله البحور



أخـوك

[محمد القحطاني]

اي بحور , انا المفروض متخرج من زمان ؟

البحور كملتها كلها هع هع بس انتو تبوني ادرس كثير ومافيه مشاكل :(


تقـول أحبـك .؟ إيه واضح وربــك ..!!
هاذي سكاكين المحبه تجيـــــــني

كم ليلـتـ(ن) حسيت في صـدق حبـّك
لاشفـت ضحكـك وإنت تســمع ونيــني .!

هاذي سوآتـك وإنت قآيل " أحبــك "
وشلون اجل لا قلـت لي ما تبيـني ..؟؟



وزن المسحوب :(

[طالب علم]

اي بحور , انا المفروض متخرج من زمان ؟

البحور كملتها كلها هع هع بس انتو تبوني ادرس كثير ومافيه مشاكل :(


تقـول أحبـك .؟ إيه واضح وربــك ..!!
هاذي سكاكين المحبه تجيـــــــني

كم ليلـتـ(ن) حسيت في صـدق حبـّك
لاشفـت ضحكـك وإنت تســمع ونيــني .!

هاذي سوآتـك وإنت قآيل " أحبــك "
وشلون اجل لا قلـت لي ما تبيـني ..؟؟



وزن المسحوب :(


صح لسانك يالقحطاني (( راااائع ))

فالك طيب تجيك شهادة بتميّز وانت تستاهل

بس بغيت منك اربعه ابيات مع التقطيع على اربعه بحور وبعدين يكون اكملت البحور

1_ بحر الهلالي

2_ بحر المطرد

3_ بحر الغضياني

4_ بحر الرميحي

تمنياتي لك بالتوفيق استاذ محمد

أخـوك

[ناديه حسين]

وينك يالقحطاني والله انك كفو وتبيض الوجه شعرك جميل وعروضك رائعه واللي مثلك مكانه فوق

وشهادتك حاضرة والواجب اصدرها من زمان لكن ملحوقه

اتمنى تكون بخير

وتجي وتستلمها وودي اعطيك معها جائزة تقديرية

تستاهل ياولد قحطان

بنتظارك

[محمد القحطاني]

موجود :))) ... عذراً ع الانقطاع المتكرر بسبب ارتباطاتي الجامعيه ,

[محمد القحطاني]

غيري يوالف له من الناس مزيون ... يصبح ويمسي مع حبيبٍ يضمـّه
وأنا كتابي لي وليفٍ ومضنون ,, ماغير ابوسه كل ليلٍ واخـــمـه
اقراه في ليل به الناس يمسون ,, افكك رموزه وأحاول اصمه
ادرسه عاقل لكن إنهيه مجنون ... والطالب المجنون محدٍ يهمه
طلاب راضينٍ وطلاب يبكون ,,, وطلاب جابوا عيدهم والمطمه
وانا اشوف الوضع من دون في دون ,, مسلوب في حلمي ومقتول همه
تضيق بي دنياي مع فسحة الكون ,, واقوم ع الحظ الردي والعن أمه
وادعي على الدكتور بإمراض وطعون ,,, واقول جعل الشر كله يعمه
وختامها قامت تراودني ظنون ,,, إن طالب "البترول " مهدور دمه
وسلامتكم , قديمه بس حبيت اشاركم فيها

البترول هو اسم جامعتي في السعوديه | جامعة الملك فهد للبترول والمعادن | الخبر

[ناديه حسين]

حياك الله استاذ محمد والحمد لله انك بخير

بغيت اطمئن عليك وبغيت جديدك الشعري

واسلمك الشهاده والجائزة التقديرية بتصير برتبة مدرس عروض قريبا ان شاء الله

ودي بس تقطع بيت معروف

وابي 3 كلمات على وزن 3
و3 كلمات على وزن 2 ه

ودمت بخير

[ناديه حسين]

غيري يوالف له من الناس مزيون ... يصبح ويمسي مع حبيبٍ يضمـّه
وأنا كتابي لي وليفٍ ومضنون ,, ماغير ابوسه كل ليلٍ واخـــمـه
اقراه في ليل به الناس يمسون ,, افكك رموزه وأحاول اصمه
ادرسه عاقل لكن إنهيه مجنون ... والطالب المجنون محدٍ يهمه
طلاب راضينٍ وطلاب يبكون ,,, وطلاب جابوا عيدهم والمطمه
وانا اشوف الوضع من دون في دون ,, مسلوب في حلمي ومقتول همه
تضيق بي دنياي مع فسحة الكون ,, واقوم ع الحظ الردي والعن أمه
وادعي على الدكتور بإمراض وطعون ,,, واقول جعل الشر كله يعمه
وختامها قامت تراودني ظنون ,,, إن طالب "البترول " مهدور دمه
وسلامتكم , قديمه بس حبيت اشاركم فيها

البترول هو اسم جامعتي في السعوديه | جامعة الملك فهد للبترول والمعادن | الخبر

صح لسانك :) شعر جميل

:ز ز:والله يوفقك وتتخرج وتتوظف احسن وظيفة :ز ز:

[محمد القحطاني]

بيت معروف ,
ليش أحس اني وانا اشوفك حزين \\ قلبي الليله بهمه ممتلي
2 3 2 2 3 2 2 3 1 \\ 2 3 2 2 3 2 2 3
كانها الفرقى طلبتك حاجتين\\ لا تعلمني ولا تكذب علي !

للشاعر بدر بن عبدالمحسن ,

[محمد القحطاني]

ثلاث كلمات على زون 3 ..
ما ادري تبينها متصله ولا كل كلمه لحالها يعني ..!
ارجوا التوضيح

[ناديه حسين]

ثلاث كلمات على زون 3 ..
ما ادري تبينها متصله ولا كل كلمه لحالها يعني ..!
ارجوا التوضيح



هلا اخوي محمد

ابيها كل وحده لحالها

الله معك

[ناديه حسين]

بيت معروف ,
ليش أحس اني وانا اشوفك حزين \\ قلبي الليله بهمه ممتلي
2 3 2 2 3 2 2 3 1 \\ 2 3 2 2 3 2 2 3
كانها الفرقى طلبتك حاجتين\\ لا تعلمني ولا تكذب علي !

للشاعر بدر بن عبدالمحسن ,


ممتاز

ودائما اخر الكلام ساكن

حزين = حزي3 ن ه

الله يبعد عننا الحزن

اللهم امين

ودمت بخير :وح2:

[محمد القحطاني]

شهر , سهر , عسل
3 3 3

موت \ روح \ عين
2 ه \ 2 ه \ 2ه

[ناديه حسين]

ممتــــــــــــــــاز

[ناديه حسين]

بســــم اللـــه الرحمــن الرحيــم


شهادة تخرج الرقمي في النبطي





بهذا أشهد أنا نادية حسين مشرفة واستاذة العروض الرقمي للشعر النبطي في منتدى ( العروض رقميا ) بأن المكرّم :محمد القحطاني
قد اتم منهاج العروض الرقمي للشعر النبطي والشعبي

بتقدير ممتاز

بتاريخ :28/5/2013
وأنه مؤهل لتدريس المادة

وبناء عليه منح هذه الشهادة

توثيق هذه الشهادة هو رابطها في المنتدى ورقمها في الرابط :

http://arood.com/vb/showthread.php?t=2188&page=2

تسلسل الشهادة :24

وأي شهادة بدون الرابط وتسلسل الشهادة فيه بحيث يمكن الرجوع إليهما لا تكون صادرة عن المنتدى.

[ناديه حسين]

:ز ز:الف الف الف مبروك استاذ محمد :ز ز:
:ز ز::ز ز:

وسيتم ترقيتك لرتبة مدرس ان شاء الله

ارجو ان لاتحرمنا من جديدك

والى الامام دائما:ز ز:

[محمد القحطاني]

مآ كل شي ٍ تطلبينـه بـ ( لبيـك )
خلّك بشر.. بعض المطآلب تخونه

لو تطلب عيوني .. ترا ما اقدر اعطيك
هو فيه أحد يعطي عيونه.. عيونه !!

[خشان خشان]

أبارك لك النجاح أستاذي محمد القحطاني.

وأتمنى أن تساعد في تدريس رقمي النبطي.


مآ كل شي ٍ تطلبينـه بـ ( لبيـك )
خلّك بشر.. بعض المطآلب تخونه

لو تطلب عيوني .. ترا ما اقدر اعطيك
هو فيه أحد يعطي عيونه.. عيونه !!

لا فض فوك.

[محمد القحطاني]

سلمت يا أستاذي الغالي..

بإذن الله سأبذل ما في جهدي للمساعده في اوقات فراغي القليله جدا جدا =(

[ناديه حسين]

مآ كل شي ٍ تطلبينـه بـ ( لبيـك )
خلّك بشر.. بعض المطآلب تخونه

لو تطلب عيوني .. ترا ما اقدر اعطيك
هو فيه أحد يعطي عيونه.. عيونه !! صح لسانك

شاعر جميل

وعروضي متمكن

:rose: موفق يارب

[محمد القحطاني]

مساء الخير

؟

[ناديه حسين]

مآ كل شي ٍ تطلبينـه بـ ( لبيـك )
خلّك بشر.. بعض المطآلب تخونه

لو تطلب عيوني .. ترا ما اقدر اعطيك
هو فيه أحد يعطي عيونه.. عيونه !!

صح لسانك يالشاعر القحطاني المبدع :وح2: