الضلوع المحابيس عزف على العود
أهديكم هذا الرابط للإستماع لقصيدتي : الضلوع المحابيس
http://www.alayali.com/ar/sound/3.mp3
وهي على بحر المسحوب وكلماتها :
العين هلـت دمعهـا مـن عناهـا=والقلب يبكي بالضلوع المحابيـس
وينك حبيب الروح تمسح شقاهـا=وينك نديم الليل تضوي فوانيـس
الـروح بيدينـك حبيبـي دواهـا=والقلب ينبض بك شعور بأحاسيس
انت الرجا لـو هالليالـي رجاهـا=خيَّب بعيني واظلمت بالدواعيـس
ليتك تطبب روح داخـل حشاهـا=متقطعـه عشـقٍ بليـا مقاييـس
ليتك تجمـل يـوم ربـي نواهـا=يومه كتبنا بين لـوح النواميـس
نفرح بعد ماتنجرح فـي خطاهـا=اقدامنا ونضيـع بيـن المتاعيـس
نفـرح وتتلاقـى فعالـي سماهـا=ارواحنا طهرنٍ بليا تداليس
نروي تعب روحٍ عنت من ظماهـا=نشرب زلال الحب صافي بلا قيس
البارحـه عينـي تقاطـر بماهـا=من خوف قلبي كدرتني الهواجيس
ادعي عسى من هو بروحي غزاها=وحرق قليبي فوق جال المحاميس
إنه يلم ضلوع مـن هـو براهـا=بري القلم يوم انحنى بالقراطيـس
ينزف جروح البعد ينثـر شظاهـا=بين السطور حروف شعره معابيس
حبك سطا بالروح غصب وقصاها=ألمس بقلبي مثل وخز الدبابيـس
العين لـو نامـت حبيبـي بلاهـا=بعض الحلوم اللي تهد بكوابيـس
يامتلـفٍ بالعشـق حالـي رثاهـا=في غيبتك ربعٍ شكوني مجاليس
ماعاد بي صبرٍ وروحـي قضاهـا=العشق كله يالعيـون النواعيـس
وش فايدة دنيـاي دونـك تراهـا=من غير وصلك عيشتي كالمفاليس
طلبت ربي يـوم روحـي عطاهـا=الحـب كلـه والهنـا والتئآنيـس
إنه يكمـل فرحتـي مـع هناهـا=وازف روحي لك وقلبي معاريـس
ياقسمة الحـظ الـردي مارضاهـا=تكمل وعاودنـي بهـمٍ وتنكيـس
العين تبكي صبحها مـع مساهـا=والقلب يمم مع هبوب النسانيـس
ودمتم بخير
