يا ملا وين خلي

هذي قصيدة لي اتمنى الحكم عليها وزن وقافيه ومنكم نستفيد يا اساتذتي وشكرا لكم

ياملا وين خلي

ياملا ويــن خلـــي شبه طفل الغزال
غاب عنــــــي وخلاني بوسط الغليل
من طلــوع الفجر ليما حلول الزوال
باحثن عــن حبيبي راع ذاك الجديل
رحت يمّ الجنوب ورحت يمّ الشمال
ما لقــــيته ولا يـــاناس ويـــن الدليل
رحت لاهل القصيم انقال لي هالمقال
كـــانك إلخــــلك ادّور طريقك طويل
يـــمّ حايـــل سريت وكرموني رجال
عزوتي هـــمّ قالو لـــــي ومالك خليل
رحـــت يمّ الرياض ولا لقيت المنال
والبحر رحت له والزين ما له مثيل
لــلكــويت البعيده ضاعنين الرحال
ناطرن ردّهـــم والـــردو ياني خذيل
الله إنــــــي معذب من فريد الجمال
صاحب البسمة الــلي مودعتني عليل




بحر القصيدة

فاعلاتن فعولن فاعلاتن فعول

استاذ سلامه من ناحية التقطيع مافيها شي ,, سليمه

وكذلك من ناحية القافية فلا عليها غبار ..

صح لسانك وارجوا انك وجدت من كنت تبحث عنه فالكويت وحائل

مودتي لك

صح بدنك يالغالي
ولاهنت على الافادة ومنك نتعلم يالغلا

صح السانك يالغالي..
ولا أزيد ع أخوي
والقصيدة رائعة ووصفها متناسق في إتصال فكرة القصيدة ووصولها إلنا
يسعدك ربي

صح لسانك اخوي قصيده جميله يعطيك ربي العافية

ممكن تقطع الشطر لو تكرمت


كـــانك إلخــــلك ادّور طريقك طويل

:وب:

:ز ز:ودمت بخير:ز ز:

أسف استاذه نادية على التأخير
وهذا التقطيع

كا نكل خل لكد دو ور طري قك طوي ل

هذا التقطيع استاذه نادية