هل أنا شاعره أم لاأستحق هذا اللقب؟؟(أبيات لم تكتمل))
أبيات متبعثره ويتيمه أسأل المولى أن تحوز على إعجابكم
وهي من تأليفي
(1)
في غيابك كل شي أطالعه من منظور عادي
حتى لو حلمي تحقق في غيابك والله عـادي
(2)
الزعـــل الله حسيبــك يالــزعل
كل الخلايق حكيهـا الله حسيبه
(3)
الهيبه اللي تستحق الــــوقار
غدت للمقبره وخاشـرت جدي !
(4)
أنا لابغيت العـزّ فتحت كتاب جدّانـي
ألاقي العـزّ متربع وصفحاته يقلبهـا
(5)
تـــدري وش اللي يخْــلف التفكيــر؟
لاجيــت تسأل كـيفهــا عيـــــونــي
من الربكه أقول إني مالمحت الخير !
وإنت الخير ياقلبي ومستراح جفوني
(6)
تبي تعرف قدر أمك وحجمها ياهيه؟
تجرأ قولها أوف(ن) والباقي على ربك
(7)
نويت أضــــحك وأبهج خاطري الزعــلان
لقيت البسمه الحلوه تهرّب ماتبي ثغري !!
(8)
مانـي من اللي صيتهم حزمـة قــروش
أنا الشـــــــرف والطيب ساس صيتــي
(9)
العزّ والكرم وذايع الصيــت والطيب
عليهم أبوي أجزم عاليً سهمـــه
(10)
شكيت لدفتري همي على بالي يرحيني
لقيت الدفتر يتمتم: (دخيل الله مزعنـي) !
(11)
شبيت من حرفي ضوى وإشتعل باالسما ضوّي
ونافســت ذيك النجــوم وحزت الرتبــه الصاعده
(12)
أدعي لـ ربي ياعسى موتي اليـوم !!
لجل ضحكة شفاهك دعيت الموت ياخذني
(13)
يبــــه يااغلى هاالدنيـــــــا أنا والله تعـــبانــه
ودّي احكي لك وأفضفض لكن الهده هدتني
(14)
كريم ورجل وراعي طويله وأجودي
صفات المرجله بكلمه إستحوذ عليها
(15)
عمرّك سمعت الآهـ ممزوجه بــ تيه؟
هذي لُغة قلبي كل نبضه تقول الآه
(نقد ـ نصيحه ـ توجيه ـ إعجاب ـ ملاحظه)
أُرحب بكل شيء من أهل الأدب والشعـر
إن أعجبكم ولو بيت هذا بفضل الله وحده
وإن لم يعجبكم شيء فـ أوعدكم بأن أجتهد على نفسي أكثر وأعطي بشكل أحسن
سؤال أتمنى أن أجد إجابته /
من بعد ماقرأتم أبياتي الغير موزونـه ـ هلّ أستطيع بعد الإحتراف في العروض الرقمي أن أكتب أبيات
موزونه بسهوله؟
أم إن كتابة الشعر الموزون فطري لادخل للعلم فيه؟
أعلم إن العروض لايصنع شاعراً لكن أتمنى أن يصنع ناقد شخصيا لشعره
جاوبوني ياجزاكم الله خيراً
أختكم/
أميره بنت سعـود
