من بادي الوقت / بحر الهجيني - البسيط
من بادي الوقت
الامير خالد الفيصل
من بادي الوقت هذا طبع الايامـي
عذْبات الايام مـا ِتمْـدي لياليهـا
حلو الليالي توارى مثل الاحلامـي
مخطور عني عجاج الوقت يخفيهـا
أسري مع الهاجس اللي ما بعد نامي
و أصوّر الماضي لنفسي و أسليهـا
أخالف العمر أراجع سالف أعوامي
و أَنوخ ركاب فكري عند داعيهـا
تدفا على جال ضوّه بارد عظامـي
و الماء يسوق بـمعاليقي و يرويها
إلى صفالك زمانك علّ يـا ظامـي
اشرب قبل لا يحوس الطين صافيها
الوقت لو زان لك يا صاح ما دامي
يا سرع ما تعترض دربك بلاويهـا
حتى وليفك و لو هيّم بـك هيامـي
سيّور الأيّام تجنـح بـه عواديهـا
