ديوان ألف ليلة هجر / سوالف ناديه

مين انا ؟

مين انا


مو انا هذي الحنون
كيف اسامح من يخون
وحتى اعشقه بجنون
مين هذي ؟؟؟
مو أنا

مين انا ياحب مين
صرت مثل العاشقين؟!!!!!
قمت اسأل وين وين
كبريائي والأنا

وسلامتكم

حديث الروح

سألتك بالذي سواك روقي
ولاترشين ملح "ع الحروقي

احس الموت يمشي في وريدي
وقلبي حزنه يشقق عروقي

سألتك لاتلوميني كفاني
هواني وضعفي ونيران شوقي

واحساسي بانه خان عهدي
ويتعدى على ابسط حقوقي

ذبحني هم ولاادري غير انه
يجافيني ويحط اخطاه فوقي

سألتك بالذي سواك انسي
كلامه دام ماهمه خفوقي

وشومي عنه في اخر دقيقه
وردي الثار اللي بي يلوقي

مبروك علينا "ألف ليلة هجر" للمبدعة نادية!
سامحيني، تِأخر سلامي.

مـــــــــــــــــــــبروك

كسرات حجازية



ياحب ياللي الوله عمك
والشوق في نظرة اعيانك

والشاي والسكر بفمك
ياخذني لعالم جنانك

واحس بوجودي بدمك
واموت واحيا على شانك

وتقول ع الحب ماهمك
وآنا لقيته بأحضانك

واشلون لو انه يهمك
........ اكملوا الشطر ������


السلوان

يالله سألتك لنا السلوان
يالله سألتك تكن معنا

قلبي وروحي وجسد تعبان
يارب كثرت مواجعنا

اشكي ولاغيرك الرحمن
من جور منهو يلوعنا

سم البدن اعلن العصيان
وسالت سيول بمدامعنا

يارب انته عظيم الشان
لاطاعك و لا يطاوعنا

ماشي بدرب الخنا نشوان
ضاع وحلف لايضيعنا

ويزعل علينا وهو غلطان
وبدون ذنبا "يودعنا

اسألك ياربنا الغفران
ويارب سنع طوالعنا

وسلامتكم

احراج

ماعدت أقدر على الإحراج
والروح بالحيل تواقه

حاولت افكك من الازعاج
واخفي أحاسبس مشتاقه

واسمع علومك من الأبراج
حتى تواصلت بالطاقه

وانته ولا قلت لي محتاج
وقلبك تبرى من اشواقه

وسلامتكم

مبروك علينا "ألف ليلة هجر" للمبدعة نادية!
سامحيني، تِأخر سلامي.

مـــــــــــــــــــــبروك

حنين الحبيبه
حياك الله استاذتي الغالية كيف حالكم وارجوا ان تكونوا بخير وحشتيني 💕💕
الله يبارك فيك ويحفظك يارب
دمت بخير في حفظ الرحمن💕💕

هل يعود الحب


إنجرح قلبي معاه
وانتهى الحب وبداه
بعد ماودع هواه
جايني بإسم الحنين

هل يعود الحب ثاني؟
هل انا انسى هوانني؟
يوم جافاني ورماني
للبكى وليل الأنين

وبعد مافات الاوان
ارجع لنفس المكان !!
للمذله والهوان
في دروب العاشقين؟
لاه ياقلبي الحزين



وسلامتكم

من القلب

ربي ياخذك عني للأبد للأبد
وماتلاقي بدالي في حياتك حبيب

انت من قال احبك وانته خنت العهد
وانت من خان عهده قال قسمه ونصيب

النصيب الحقيقي عند ربي الأحد
ينصف اللي في جنبي منك غادي صويب

انحرق منك واصبح كنه ثاكل ولد
الله يعلم بحالي حاضرن مايغيب

العذاب الحقيقي والالم والنكد
والجروح العميقه عيت انها تطيب

تحسب الله ناسي غفلتك ماشهد
يوم سيفك بوجهي ترفعه يالعطيب

مادريت بشعوري مستخف اللهد
والعوض عند ربي يوم نصره قريب



وسلامتكم

ابيك تقول

ابيك تقول: كيف اقدر اجيبك
وانا اجيلك واحبك كيف مااريد

تعال وقول بس اني حبيبك
وخذني عندك واعطيك ماتريد

انا ايقنت اني ماأقدر اسيبك
وهذا العشق غصبا عننا يزيد

وحبك لي احسه في لهيبك
اذا مريت جنبك نارك تقيد

وناري شعله بقلبك تصيبك
تعلق بي ولاتحيد ولا احيد

وطيبي مايباعد كثر طيبك
وحتى الفم وشكل العين والايد

واذا تنكر هواك الله حسيبك
يردك لي ولاتحسبه تهديد

انا ادرك اني ياالغالي نصيبك
هروبك من قدر ماظنه يفيد

وسلامتكم

ابيك تقول

ابيك تقول: كيف اقدر اجيبك
وانا اجيلك واحبك كيف مااريد

تعال وقول بس اني حبيبك
وخذني عندك واعطيك ماتريد

انا ايقنت اني ماأقدر اسيبك
وهذا العشق غصبا عننا يزيد

وحبك لي احسه في لهيبك
اذا مريت جنبك نارك تقيد

وناري شعله بقلبك تصيبك
تعلق بي ولاتحيد ولا احيد

وطيبي مايباعد كثر طيبك
وحتى الفم وشكل العين والايد

واذا تنكر هواك الله حسيبك
يردك لي ولاتحسبه تهديد

انا ادرك اني ياالغالي نصيبك
هروبك من قدر ماظنه يفيد

وسلامتكم

سلم البنان والجنان

أستاذتي الكريمة

أشكل علي وزن هذا الشطر ، أرجو تقطيعه مع الشكر

وخذني عندك واعطيك ماتريد

سلم البنان والجنان

أستاذتي الكريمة

أشكل علي وزن هذا الشطر ، أرجو تقطيعه مع الشكر

وخذني عندك واعطيك ماتريد

هلا استاذي الفاضل حياك الله
يسلمك ربي ويرعاك
ووعدك احط تقطيع بيت لكل قصيده تنزل واكتب اسم البحر

وخذ3 ني2عن2 دكو3 أع2طي2كمت3ري2ده
3 4 3 4 3 2 ه
بحر الصخرى بقافيتين

ودمتم بخير

سر حبي



سر حبي فيك واضح
سر حبي إنكشف

والعقل وياك سارح
وانته اللي إعترف

القمر بالشمس طايح
مير إنه إنحرف

والتعب وياك رايح
لاخليفه ولاخلف

مابغيتك للمصالح
او بغيتك للترف

كنت ابيك تكون صالح
محد يدعس لك طرف

كنت ابيك تكون رابح
لكن و ياللاسف

قلبي الوجاس نايح
من بعد ذاك الصلف

والغدر غير ملامح
وجهك بعيني تلف

والنهايه اني بسامح
من نسى انه حلف

حظنا بالحيل طايح
وبدرنا الضاوي خسف

صرت اقابحك وتقابح
والغرض كله اختلف

والنهايه الكل رايح
وماوصلنا للهدف

وسلامتكم

سر حبي فيك واضح
سر2رحب3بي2في2كوا3ضح2
بحر الرمل القصير

وسلامتكم

كلما قرأت لك أستاذي أحسست بالخسارة الناجمة عن حجب جمال شعرك عن الفصحى. سأحاول نقل بعض شعرك للفصحى.

وفقك ربي ورعاك.

هلا استاذي الفاضل خشان حياك الله
تسلم استاذي
هذا الله وهذي حكمته
ونصيبي كتبه الله ان اكون شاعرة عامي
بنتظارك وانتظار ابداعك
الله يحفظك ويسهل الامور

هل يعود الحب


إنجرح قلبي معاه
وانتهى الحب وبداه
بعد ماودع هواه
جايني بإسم الحنين

هل يعود الحب ثاني؟
هل انا انسى هوانني؟
يوم جافاني ورماني
للبكى وليل الأنين

وبعد مافات الاوان
ارجع لنفس المكان !!
للمذله والهوان
في دروب العاشقين؟
لاه ياقلبي الحزين



وسلامتكم

هذا هو التسميط أستاذتي.. بلمسات خفيفة يصبح شعرك فصيحا كما يليق به.



https://web.facebook.com/photo.php?f...&theater&ifg=1

هذا هو التسميط أستاذتي.. بلمسات خفيفة يصبح شعرك فصيحا كما يليق به.



https://web.facebook.com/photo.php?f...&theater&ifg=1

شكر استاذي سلمت

شيباني

تهددني وتوعدني تنفذ فيني الأحكام
سلام الله على قلبي على روحي من التهديد

تفضل عيش ايامك بدوني وابدء الأعوام
من الليله اعتبرني في حكم ميت مع التأكيد

وانا وان قلت صدقني كلامي مو زعل ايام
يطيب الخاطر المغدور يقدر يقبل التجديد

ويكفي منك ماجاني وماعانيت من آلآم
لجل اوقف بوجهك وانت عارف نيتي تحديد

وسلامتكم

مسحوب

والله يشامخ لو بغي يشتريني
لدير وجهي عنه وآقفل الباب

ماعدت ابي شوفته لو هو يبيني
مابي محبه بعدها سفة تراب

خله مع الأغراب والعابريني
وابشر بسعدي يوم انا خاطري طاب

حرام في وجهه بقايا سنيني
يكفي طلع خوان للود عطاب


وسلامتكم

مجزوء المديد

الله مايظلم أحد لاتقولوا ما يصير
اتركه 00واضغط على روح فيني طامحه

كيف اقدر احتمل عيشتي معه وأسير
والف مره خانني و بي مشاعر جامحه

وان تقولون ارجعي سامحي هذا الكرير
سهل اسلك لكن الروح ماهي مسامحه

بفرد جناحي واطير اسأل الله واستجير
والصواعق قد تجي لو اعود آسامحه



وسلامتكم

كان ياما كان

بحر الرمل


كان يعجبني
كلامه
صوته ونبرة غناه
كان يسعدني وجوده لو هو ساكت مانطق

كنت اظنه حيل عاشق ماأدور وش وراه
كنت أتخيل غرامي واصلن به للغرق

كان له قيمه بحياتي كنت احلق في سماه
كنت . اظنه شخص وافي قال كلمته وصدق

المهم هالحين عفته بعد مابين خفاه
والفؤاد الصب راجع كن ماعمره عشق

احمد الله ع السلامه حقق المولى رجاه
عاد للدنيا السعيده ماوقف ع المفترق

ودي اعلن عن شعورري واخبره عن منتهاه
لكن الأفضل سكوتي مالي باللي احترق

خله يعاني لوحده خله يدور دواه
خله يعالج جروحه دون مااسبب قلق

ويتفزع في حبايب قلبه وغاية مناه
ياكثر ما في حياته من صعاليك وشلق

كان يقلقني غيابه عني بهذي الحياه
كان ياما كان صاحب كن غيره ماانخلق

وسلامتكم

ياصانع المعروف

‏ياصانع المعروف في غير ربعه
‏احذر من اصحاب الخنا والخلاعه

‏ترى الخيانه عندهم حيل وسعه
‏وعلى الجرايم عندهم استطاعه

انا صنعته يوم والرد صفعه
جازوني بالنكران غدر وشناعه

واعطيتهم فرصه ومهله لرجعه
لكن قليلين الوفا كالضباعه

ضبعا " خدعني ثم تسلى بضبعه
انهى أماني معه في ربع ساعه

لاهمه احساسي ولا نزف ضلعه
ماهمته روحي تقله وداعه

ماهمه اني ذاهبه دون رجعه
ماهمه اني بتركه للمجاعه

ولاهمته فرصه تؤهل لجمعه
متعشم بطيبي ورفض القطاعه

وماعاد لي في كامل الشين طمعه
وعرفت تالي كيف اصفع خناعه

بالنبذ والهجران وبيوم فجعه
اهديه للحقران واهل الخلاعه


حييت ياقلبن عفيف " بطبعه
ماعاد باقي فيه أيت شفاعه


وسلامتكم

ياصانع المعروف

‏ياصانع المعروف في غير ربعه
‏احذر من اصحاب الخنا والخلاعه

‏ترى الخيانه عندهم حيل وسعه
‏وعلى الجرايم عندهم استطاعه

انا صنعته يوم والرد صفعه
جازوني بالنكران غدر وشناعه

واعطيتهم فرصه ومهله لرجعه
لكن قليلين الوفا كالضباعه

ضبعا " خدعني ثم تسلى بضبعه
انهى أماني معه في ربع ساعه

لاهمه احساسي ولا نزف ضلعه
ماهمته روحي تقله وداعه

ماهمه اني ذاهبه دون رجعه
ماهمه اني بتركه للمجاعه

ولاهمته فرصه تؤهل لجمعه
متعشم بطيبي ورفض القطاعه

وماعاد لي في كامل الشين طمعه
وعرفت تالي كيف اصفع خناعه

بالنبذ والهجران وبيوم فجعه
اهديه للحقران واهل الخلاعه


حييت ياقلبن عفيف " بطبعه
ماعاد باقي فيه أيت شفاعه


وسلامتكم

سلم البنان والجنان استاذتي الكريمة

لفت انتباهي أن مطلع القصيدة فصيح 100%

والله يرعاك.

سلم البنان والجنان استاذتي الكريمة

لفت انتباهي أن مطلع القصيدة فصيح 100%

والله يرعاك.

هلا استاذي القدير خشان
الفصيح
قد يلهمني الله في المستقبل واصبح شاعرة فصحى
اسأل الله من فضله العميم ان اكون
ودمتم بخير في حفظ الله

طاقة حب

مجزوء الرمل


قال طاقة حب أرسلها ببطاقه
وآتمني له سنه حلوه جديده !!

ويوم انا له كنت في حاجه وفاقه
مالقيت العون لو جمله مفيده

يوم انا كنت احترق واحتاج طاقه
كان يخنقني ويعذبني بإيده

هارب وياشينه وشين العلاقه
يحسب ان روحي وقلبي من عبيده

مابقى له في كياني من شفاقه
كان ياما كان لي جنه فريده

ذاب قلبي واحترق والموت ذاقه
والتشافي تم وأحسبني شديده

لاتلومي من تعب والهم ساقه
للنهاية لو نهايه مو سعيده

لاتلومي من يأس يلقى وفاقه
مع قليل الود بو عشره نكيده

كان ناكر جاحد وتم انشقاقه
عن كياني وراح للناس البعيده

كنت اشوفه وافي ولكن نفاقه
ااتتضح ماكنت اتوقع أصيده

أي حب وأي شوق وأي طاقه
ما أريده ما أريده ما أريده


وسلامتكم

طاقة حب

مجزوء الرمل


قال طاقة حب أرسلها ببطاقه
وآتمني له سنه حلوه جديده !!

ويوم انا له كنت في حاجه وفاقه
مالقيت العون لو جمله مفيده

يوم انا كنت احترق واحتاج طاقه
كان يخنقني ويعذبني بإيده

هارب وياشينه وشين العلاقه
يحسب "روحي وقلبي من عبيده

مابقى له في كياني من شفاقه
كان ياما كان لي جنه فريده

ذاب قلبي واحترق والموت ذاقه
والتشافي تم وأحسبني شديده

لاتلومي من تعب والهم ساقه
للنهاية لو نهايه مو سعيده

لاتلومي من يأس يلقى وفاقه
مع قليل الود بو عشره نكيده

كان ناكر جاحد وتم انشقاقه
عن كياني وراح للناس البعيده

كنت اشوفه وافي ولكن نفاقه
ااتتضح ماكنت اتوقع أصيده

أي حب وأي شوق وأي طاقه
ما أريده ما أريده ما أريده


وسلامتكم

أستاذتي الكريمة

أشكلت علي لهجة هذا الشطر

يحسب "روحي وقلبي من عبيده

ليتك تقطعينه بالأحرف والأرقام. مع الشكر.

هلا استاذي الفاضل خشان وصباح الخير

خطأ كيبوردي املائي قمت بتعديله
يحسب ان روحي وقلبي من عبيده
يح2 سبن3 روحي4 وقل3 بيمن4 عبي3 ده 2
ودمتم بخير

تعبت

طلبتك يوم تسكن في جواري
توقعت الجواب تقول لي تم

ولكن ماحصل ياابو الطواري
وقررت الرحيل ومنت مهتم

حسافه كنت اموت ومنت داري
وحاولت اجتهد والشمل يلتم

على درب الصبر طال انتتطاري
وصدمني حالك وكنك بلا دم

وجيت الحين ابدي لك مراري
بعد ماصابني من صدك الهم

انا مليت استجدي واداري
ومليت البكا واجتاحني الغم

تعبت الحق قمرماهو بمداري
ولاداري ولاظني بيهتم

ومن ضعفي ومن كبر انكساري
تعبت وهذا انا ماابيك ياعم

وسلامتكم

تغاريد تويتريه


كسرات 3

1
2020 ماتمزح
‏وش قولكم ياهل الكسرات ؟

‏معقول في التاليه نقزح
أو تب تجينا بعد نكبات ؟

النادية
2
‏الطير اللي شغل بالي
‏ماكنت اظنه بيوم يطير

‏واللي جرى له بيجرى لي
‏لمهم عندي يكون بخير


#النادية

3
ناس " كثيره بلا احساس
‏والطيب الله بيعينه

‏ياكثر مافي العرب انجاس
‏والشين قابله بالشينه


النادية

4
صح لسانك الشاعر تركي

‏واقول

عودت روحي على لأواه
‏وعرفت وشلون احب حالي

‏وكلن يغني على ليلاه
‏والروح اغلى وأبقالي

‏#النادية

‏#كسرات

5

جرحك بدالي جرح ارواح
‏والله اعلم بما يخفى

‏سلم امورك الى الفتاح
‏وماعاد تحتاج مستشفى

‏وسلامتك

‏#كسرات
‏#النادية

6

كثر الجفا منه وداني
‏للزهد في حبه المزعوم

‏والزهد بالحب خلاني
‏اسعد بوقتي طوال اليوم

‏#النادية

7

‏شفت الشقا بعين خواني
‏شفت العنا بوجهه المضيوم

‏معقول أشفق على جاني
‏ صابته دعوه من المظلوم


الناديه

8

‏شفتك جريح الهوى تعاني
‏كنك مفارق عزيز القوم

‏انصحك لاتعيش وحداني
‏كلمه واطلب يجيك اليوم


الناديه

9

‏(مافي امل للقا ثاني)
‏وش عاد ينفع لقاه اليوم

‏خليك في جو رحماني
‏يكفيه منك غدا محروم


الناديه

‏وسلامتك

10

لاتفتكرني وتناساني
أما أنا مانسيتك يوم

‏أذكرك يالخاين الجاني
‏بدعاي لين القيامه تقوم

النادية

11

والله ماله سوى التبليك
‏والذيب ماخاب تقيمه

‏ازهد بمن همه التشبيك
‏ويسهل على الناس ترقيمه

النادية


12


الله معك ياسليل الجود
‏خلك معه سمعا وطاعه

‏يرجع لك الغالي المفقود
‏ويطيب قلبك من اوجاعه

‏اللهم امين

‏#النادية

13


‏بعض البني لانصحته عق
‏يحسبك متسلط و جاهل

‏ولاجاه ماقلت له يصعق
‏والحق يب يدحض الباطل

الناديه

14

‏ خل الشتا والمطر والريح
لقلوب حبت ولا طالت

باكر يدور الزمن وتطيح
في البرد والهم وان طالت



15

الحب في هذي الأجواء
‏لله وفي الله يااخواني

‏نحتاج في هذي الاثناء
‏حب " عظيم " ونوراني

‏#كسرات #النادية

16

حيث الزمن عادل ودوار
‏والشر بالشر يتغير

‏في يوم تتغير الادوار
‏ومن ضرنا بيوم يتضرر

النادية
17

من واقع اللي معه خبره
‏بالعشق والشوق والاشواق

‏كلن لقى لعاشقه دبره
‏والموت هو قاهر العشاق

النادية

18

قدامك اللي تبي واختار
‏بعض النسا ترغب وصالك

‏اللا انا كنت طير وطار
‏وامسيت في صف عذالك


النادية


19

ياخوي مالك ومال الشين
‏الله ليجعل لنا حاجه

‏عند الذي مايعرف يزين
‏يكفيك ربي عن ازعاجه


النادية

20

قفي ولاتلحق الجاهل
‏ماجاك من عنده يكفي

‏والود له ناس تستاهل
‏تعرف تجاريه وتوفي


النادية

21
‏يحق لك تحذفه وتعوف
‏وتنسى تقابله من ثاني

‏نمام ومنافق وملقوف
‏بقطعه لو هو من اخواني



النادية



رسلامتكم


‏

منوعات

كسره

عفيت عن حبك واقفيت
وانا الصويبه وبي حاجه

والحب والشوق والتشتيت
تعرف دواعيه وعلاجه

بيني وبينك وقف عفريت
ومن جابه يقوم بإخراجه


وسلامتكم


مجزوء الرمل

ساريات الليل وانته .. يالطيف
الطف بحالي اذا قلبي انقبض

والتوى من هاجس الغدر المخيف
انتشلني من براثين العرض

اعرف انه يب يسبب لي الخفيف
وفوق امراضي يزودني مرض

وادري انه ماهو حساس" رهيف
لو اموت من القهر ماله غرض

انتصر لي ياخبير ويالطيف
الطف بحالي انا قلبي انقبض

وسلامتكم


متدارك

بلحق الصمت بسكات
وآتوخى السلامه

مااحب المتاهات
والجحيم وضرامه

والمشاعر اذا جات
اردها لستقامه

يافؤادي سلامات
ماعليك بكلامه

وقوم وامشي مسافات
في دروب الكرامه

واكتب الشوق اهات
في الليالي العدامه

وانت ياابو العلاقات
يامحب الخمامه

لاتجي لليتيمات
لاتجي لللأيامه

في الشوارع مدامات
يعشقون الرمامه

سوم منهن واقتات
والتهي بالقمامه

والنهايه لصدمات
قبل يوم القيامه

وسلامتكم