صفحة برهان المناصير

2 3 2 3 3 2 3 2 لكلا الشطرين

ما ادري

يا قمر ليتني رقيت العوالي

اشرف الديره الـ سكنها وديدي

ليتني يا قمر معاك وبدا لي

زول ما شفته يوم عاد النشيدي

خذنا يا القمر ولو بالخيالي

والـ عسى حبه لي صبابه يزيدي

هو درى بي درى بحب الليالي

هو درى ان حروفنا بي تميدي

لا تبطّي بشوقنا يالهلالي

سر بنا هو هوانا اللي نريدي

شاقنا حرفه الضوى والـ حكالي

ما حويته انا بخافي قصيدي

هو لبيبٍ إلا درى ما جرالي

يدري ان الهوى نوى بي يشيدي

لي عشقته وما دريت الوصالي

عاقني دونه المسافه تحيدي

يا حبيبٍ سكن فؤادي وبالي

ما بقى بالنفس شهيقٍ نعيدي

قم وداوي ترى حروفك دوى لي

قم ترانا إلا عشقنا نزيدي

هو درى بي درى بحب الليالي
هو درى ان حروفنا بي تميدي

سبحان من يرزق من يشاء بغير حساب

شلال عذوبه

اتقان للاوزان ..مفردات سلسه ..قصيد يهيض الوجدان ويحاكي القلوب


يا حبيبٍ سكن فؤادي وبالي
ما بقى بالنفس شهيقٍ نعيدي

قم وداوي ترى حروفك دوى لي
قم ترانا إلا عشقنا نزيدي



الله الله

الله يزيدك من فضله

وزدنا برهان ..

مأشرت عليه بالاحمر قريته كذا

خذ بنا يالقمر ولو بالخيالي
والـ عسى حبّه لي صبابه يزيدي

وانتبه للاخطاء الكيبوديه تقلب الوزن وتحوسه .


انت الوحيد اللي اذا اتقن الدرس مااقوله تقدم للدرس التالي

والسموحه اذا ارهقتك

زدنا يابرهان