كلام جميل أغلبه مفهوم
على أمل أن ينمي لدينا التركيز على الربط بين الصوت والوزن
والمطلوب أن يتناول كل مشارك بيتين أو ثلاثة ويعلق بما يشاء سواء حول المعنى أو الوزن
ويبدو لي أن أغلبه خبب صاف
ولعل المشاركين الكرام يقدمون لنا شيئا من هذا القبيل مستقبلا من بقاع العالم العربي الأخرى
فهذا يساعد على التواصل بين الشعب العربي في أقطاره المختلفة.

الصوت :


النص
http://earbab.mam9.com/montada-f13/topic-t142.htm


أنا أخو البت اللكعت قرن الخمره النازه على وردان الصبوه الراكزه
الجنْيات الهازه.. صدورن لازه ورقّا النص زي خيت الشلا
بالحيل آ جني إي والله

***********
الجنيات الحزمو الجبه وعرق الشتوي عليهم نايا و صبا
قول ما دله .. رجالا حصدوا الحبه
عيشون هادو انكال واتعبا ومنو كتير في الواطا انكبا وباقي مصوبر واقف قبه
الحمُد آلاف ..
الشّكَر آلاف

العيش الرقد أصناف أصناف
الولد الكان عزام
.. حلاف..
.ضياف
الرزق الجانا مدلا
.. الحلق الجاف اتبلا
بالحيل آ جني إيي والله
********
الوادي الجانا مترقن
مدد جناحو الطايل شرقا وغربا
القبلي بروقو على القلعات اضربن
الدكن البعدن قربن
فوق صنقور المحله الطالت كبن
قول للمحله بيوتك خربن
قول ما دله.. الحلق الجاف اتبلا
بالحيل آ جني إيي والله
**********
مرحاتنا شرابهن يوت ماغبن
شبعانات في الشقل أب شوك ما شبن
الحمل ولدن وربن
حلماتن تقلن.. جرن.. فوق سيقانن كبن
اللبن العاتم في ضرعاتن جبن
المغصة إن كان ضرعاتن خربن
القرعة آ وليد .. السعن آ بنيه
القربة كمان... كبوها المية
المغصة إن كان ضرعاتن خربن
شوفو النعمة السالت فوق قيزان الرمله
ناس البندر لبن الشاي بالعمله

سمح الخمج الفوق أسيادو
سمح العز المن أجدادو
الجنيات المشو ما عادو
كان بالرد أكان اتنادو
غرب حامد وشرق بلة
كانوا بحلبو الضرع الدلا
كانوا بحضرو الخير القدحو معلا
الجنيات ما كفرت بنعمة الله
بالحيل آ جني إي والله
*****
جات في يوم والغيمة تهتف مطرا نقع
فوق نوار الطلح الفقع
ريحة البرد إن جاتك
عطرا فايت خمر الفوق أردافا مجدع
شفنا الوادي يقشقش في دمعات الليل
والتعل الشايل بدا يتفقع

تلب حامد فوق مخلوفة أب زور واتربع
طلق الرسن أب زمة وسوا خبيبا بدع
هود في رقاب الصي
لا قوه ثلاثة زبيدية
خالفين سيقانن فوق السنكيت
ورقاب ألبل بيناتن مرخيه
محجوبات بالخرز الفصلو السوميت
كل واحد درقة وسيف وطبنجيه وباقي جرابن مليان دلميت
الجنيات اتقبلو وضاقو الحاره وضاقو المره وكان حجازن صقر الجو
حامد كان عارفين ضاقوه رجال قبالكن
شوفو أرزاقكم أخير من ضو
حامد عوج الطندب
آ وليدات
عوج الطندب نار القصب الهبلت ما بتعدلو
شوفو شلوخو مطارق رقدن
وكل تلاتة يمين سياف اتقبلو
حبوب القارح ... ما دله
ولدا ما ختالن زلة
شن قولك فيهو عليك الله
بالحيل آ جني اي والله
***********

وين مراتع الدرت الباسط دايما ببكي عليهن
وين بنوت الحلة البكّر عصرا بدري يسون في شاهيهن
بعد الليل ما يهود ونحن نهود.. عاد أماتن ينادن ليهن
نمشي على القيزان نتقادم.. أقيس الخطوة مع التاتاي ومشيهن
والله البعد الحاصل ما نساني
وحاتكن في قمراتنا بشوفو وشيهن
الا النضم أب غنه اللهج السكر وين بلقاهو
بنات الريل الدوب ليهن
الخوف يا ناس كان يبقى الشوق الحاصل بينا معشعش فيهن
مقنع سابل وين بلقاهو
طرفا ذابل وين بلقاهو
وعينا بتدنقر من واليهن
الوجنات الشعن بقن
ود العين النايم زرقن
مو زايغ رسيان وميقن
زولن كان خدران ومحقن
منّ الشوفه عروقو يطقن
كان الدنيا ب صح تتخلا
كان بركنا معاهن في رملاة الحله
الا كمان بنشوفا مذلة
الجنيات الغابت جابت
إنت الجيب ؟ بس قايلو قميص افرنجي ؟ وكرتونات كرملة ؟!
لا لا وحاتك حاشا وكلا
ديل يوم عادوا اتلافو الجاهل بحقوق الله
ديل كم لحقو البشهق ضايق وداوو العله
الولد الجاي حقايب سفرو تقال
.تقال من جنس كتاب ومجله


الحكمة النضم إياهو الكان.. الحكمة الولد اتوضا وصلى
عادة البلد الدخلت فيهم سكنت . سكنت ما ب تتخلا

نحن كمان طارين الحله ودرنا الطله
نشيلا معاهم فرح وميته
حلاة الموت كان في عبدلّه
حلاة الموت كان في عبدلّه

____

مثال:

أنا أخو البت اللكعت قرن الخمره النازه على وردان الصبوه الراكزه

(أنَ) خلْ بِتْ تِلْ( لَكَ) قرْ نلْ خمْ رَنْ نا زْ (زَعَ) لى ور دا نصْ صب ورْ را كِْ (زا)
(2) 2 2 2 (2) 2 2 2 2 2 2 ه (2) 2 2 2 2 2 2 2 2 ه 2

(أنَ) خلْ بِتْ تِلْ( لَكَ) عتْ قرْ نلْ خمْ رَنْ نا زْ (زَعَ) لى ور دا نصْ صب ورْ را (كِزَ)
(2) 2 2 2 (2) 2 2 2 2 2 2 2 ه (2) 2 2 2 2 2 2 2 2 (2)
*** uj

الجنْيات الهازه.. صدورن لازه ورقّا النص زي خيت الشلا
ألْ جِنْ يا تلْ ها زْ (زَصُْ) دو رنْ لا زْ زَوْ رقْ قنْ نصْ زيْ خي تشْ شلْ له
2 2 2 2 2 ه (2) 2 2 2 ه 2 2 2 2 2 2 2 2 2

المعنى على ما فهمت
(لست واثقا من معنى الجنْيات والذي جعلني أستنتج أنه الفتيات ذكر نحافة الخصر )

الفتيات ذوات الصدور المكتنزة والخصور الرفيعة مثل الخيط:

وهذه صورة في عمومها موروثة في الشعر العربي ومن ذلك

ابن دراج القسطلي :
فاستفرَغَ الخَصرُ كُثبانا تُباعِدُهُ .......وأنبتَ الصدْرُ رُمَّاناً تُدافِعُهُ

النبهاني العماني:
غرَّاءُ فَرعاءُ ظَميا الخصر خَرعبة للحلي منها فُوْيق الصّدر ترنيمُ

**
بالحيل آ جني إي والله
بل حي لا جْ نيْ إي ولْ لا
2 2 2 ه 2 2 2 2