صباح الخير
انت الحين اضبط العروض وبعدين الشعر له ناس و اوقات يعني لازم تكون مهيأ عشان تكتب قصيدة حقيقيه
الموهبه اولاً..وموجوده
وحتي لو عندك موهبه مافي قصيده حلوة تجي كذا
الا لازم تكون متأثر بموقف لدرجة الكتابة
بالنسبه للقوافي
لما تكون قافية الصدر ..حنان ..امان ..حاول تخلي قافية العجز تكون عيون ..دخون حلوه القوافي المتشابهه
العجز جديد ..او وجود ..شرود
نجي للقافيه البشعه
لما يكون الصدر دخون ..عيون ..حنون والعجز ..وجود ..حجود ..خلود
الصدر عنيده ..جديده .. والعجز طريفه ..خفيفه ..عفيفه
انتبه لحروف العله لاتكون متشابهه بالقوافي لانها تخلي القصيده شي مزعج
طبعا القوافي سهل تجيبها اذا الفكرة والاحساس كانو على اتم الاستعداد
لما تكون مستعد نفسياً وفيك حالة كتابه استغل الوضع ولاتقول بعدين اكتب
ومع الزمن بيكون عندك تجارب وخبرة وتكتب من قلب وتجربة حقيقيه
ومع الوقت يصير صنعه واحتراف ..والصنعه سلاح ذو حدين
اما امتزجت بالاحساس وجابت شعر ماقالوه اهل العصور الماضيات
واما صارت متكلفه ومرتبة والنتيجه شعر بدون روح
والله يوصلك لمبتغاك
المفضلات