كتبَ الشاعر كريم الحداد :
*********************

أنشدك ياشعـب بالمرض مامعروف
بكرونا الاجتنــــــه ولحكومه تحوف
ظل اطبخ حصو علدوه المامكشوف
وثرد بس چذب موخوش تشريبه

فأجبتـــــــــــــــته
**************

اخبرك يا كريم الحصــــو اهوَن لي
حكومتنه الرشيدة تغنـــــــــي ترللي
اريد الطم على صدري بعزه مجلّي
وراها يوزّعــــون هناك تشريبه
( عزه مجلّي من المآتم المشهودة في مدينة السماوة / الصوب الصغير )

فأجاب الشاعر محمد الكواز
**********************
تشريبة لحم لوكركم اعلى الماي
مرك جذاب اهلنه تسميتهم هاي
حكومه الما تمثلني سبب بلواي
امداس الخظره ميخوف حراميه

فأجبتــــــــــــــه:
*************

تشريبه يِوَزعوها ابلحَـم مــن ضان
لا منهـــــا بحلبجـــــه لا ولا بعمّان
تسوه الكاظمي وعبادي وهل الشان
إبن با كيزه يشهد وَيَّ بن طيبه

وردَّ الشاعر محمد الكواز
********************

الحكومه زينتنه ازيان ابن طيبه
انشوف الكاظمي كثرت ألاعيبه
مــــن الكبله اتعس هاي المصيبه
يريد امن الدول يقترض خرجيه

فأجبتـــــــــــــــه
*************

صِدكَ يمحمــــــــــــد زيان حواف
ألاعيب وإجتنه رداف فوكَ رداف
حكومه وحيــــــــف ماكو انصاف
إذا مَتصدّكَ إسأل إبن دوبيّه