قصائد وبحور (نبطي)

رمل

نومة الظالم


نومة الظالم عبادة وانت قايم
ظالم لنفسك وربعك ماتنام


تختفي ساعة وثم ترجع تخاثم
شايف العالم خطا وانت التمام


ضايعٍ بين التجني وفعل آثم
وين أخلاقك ووين الإحترام


لاصلاة ولا عبادة غير حايم
حول نفسك صرت كتلة انفصام


مرةٍ القاك متأسّف ونادم
مير الاكْثر للمهاوش والخصام


ماهقيت بيوم تظلمني وتساوم
ماهقيت بيوم اسمع هالكلام


وماأظن بصبر على ظلمك وقاوم
شي بياخذني الى دنيا العدام


ياحسافة قلب في دنياك حالم
يحلم بساعة صفا حب ووئام


ياحسافة قلب كم لجلك يخاصم
تتركه بين المواجع في الظلام


غير أشكي للورق هم ٍملازم
ماتركني أهتني بْلحظة سلام


كل يوم ٍ في مصيبه وشر قادم
ليه هذا حب أو هذا انتقام


اسأل الله السلامه في الخواتم
واسألك تنسى حناني..والسلام



وسلامتكم