ديوان ألف ليلة هجر / سوالف ناديه

طاقة حب

مجزوء الرمل


قال طاقة حب أرسلها ببطاقه
وآتمني له سنه حلوه جديده !!

ويوم انا له كنت في حاجه وفاقه
مالقيت العون لو جمله مفيده

يوم انا كنت احترق واحتاج طاقه
كان يخنقني ويعذبني بإيده

هارب وياشينه وشين العلاقه
يحسب ان روحي وقلبي من عبيده

مابقى له في كياني من شفاقه
كان ياما كان لي جنه فريده

ذاب قلبي واحترق والموت ذاقه
والتشافي تم وأحسبني شديده

لاتلومي من تعب والهم ساقه
للنهاية لو نهايه مو سعيده

لاتلومي من يأس يلقى وفاقه
مع قليل الود بو عشره نكيده

كان ناكر جاحد وتم انشقاقه
عن كياني وراح للناس البعيده

كنت اشوفه وافي ولكن نفاقه
ااتتضح ماكنت اتوقع أصيده

أي حب وأي شوق وأي طاقه
ما أريده ما أريده ما أريده


وسلامتكم