بسم الله الرحمن الرحيم


هذه مشاركة على بحر الهجيني وهو بحر البسيط بالفصيح

وارقامه

الهجيني = 4 3 2 3 4 3 4



احلى تحايا اصدرها على الحال = للي حروفه معانيها بهيه
ينساق له شوق ما يخطر على بال = شوق(ن) يشقق ظلام الليل ضيه
مظمون لفظه عسل من شفته سال = يارب لطفك اذا قطر عليه
جذاب له في فؤادِ الحب ينهال = ون صار ما شي يديني له مطيه
مره وانا ممتطي فلوي ورحال = كني تزايد بي الشوق لمجيه
رديت طرفي وشوفه صار خيّال = راكب امامي كتوفه مرتخيه
شعره يغير مدى الرؤيه ويحتال = ما عاد ادري عن الارض السويه
حالي وحاله نقاوم موج زلزال = دايم أنا اعشقه ويموت فيه
فجأه أرد الطرف أثره وهم زال = صيحه وآه ما اظن يدي خليه
يا للي تناظر ترى صبري لكم طال = هل تنتظر ناس تبكيني ضحية
اما تجيني او تشوف الدمع سيال = او تسمع اني صريع(ن) في العشية
كافي دلع غنيت لك الف موال = لا زلت تطلب تحب انت الاذيه
تنشد عن اللي لها قلبي طرب مال= تنشد هنا عن غزالن هاشميه
جننتني يا وليفي حل وترحال = ربي مع اللي هوى حلوه شقيه





وسلامتكم