هذه القصيده كتبتها بعد ان اطلعت على دروس من العروض الرقمي فكانت هذه اول
ثمره بالتأكيد لن تكون جيده ولكن هي محاوله علني استفيد من نقدكم وخبرتكم
في هذا المجال وشكرا جزيلا على كل من يساعدني

لا من ذكرت الموت َرجفت عظامي = وليا ذكرت الدود ينخر عظامه
في ظلمة اللحد تهون الهوامي = لا شفت أنا ذنبي يزيل السلامه
امضيت عمري غارقٍ في أثامي = ما اسمع لشورٍ لا ولا للملامه
كم كنت بالدنيا عظيم الهيامي = ما عاد تنفع في القبور الندامه
جيت المقابر عاني الفكر ظامي = محروق قلبي حيل مدري علامه
ما لوم عيني تسكب الدمع دامي = لا شافت اللي عاشرتهم اعوامه
من كان في الدنيا عزيز المقامي = اضحى بقبره ما يرد الهوامه
أرجي أنا ربّي أبد ما ينامي = يرحم غريبٍ خلّوه اليتامه
ارحم غريب ذاق كاس الحمامي = لا صار في قبره حبيس لظلامه
وآخر كلامي به يزين الكلامي = صلوا على المبعوث خير الانامه