الزهيري (نبطي)

بسم الله الرحمن الرحيم

الزهيري لون من الشعر النبطي ويسمونه ايضا السبعاوي

ينشد على البحر الهجيني وهو مايقابل البسيط


4 3 2 3 4 3 4

فيه يستعرض الشاعر قوته الشعريه بحيث يجعل الجناس في القوافي

تتألف الزهيريه من 7 اشطر

3 اشطر على قافيه مجانسه واحده
ثم 3 اشطر على قافيه مجانسه اخرى
ثم يختم بالقافيه الاولى بنفس الجناس الاول

مثال

هذي زهيريه لي


ياحْسين ضاق الصدر ياحْسين يامالـي
ياحْسين شاب الشعر والحظّ بي مالي
ليت السعد يشْترى ياحْسين باالمالي
جارالزمن والوفي مايوم قـد جـار
مخلص لربعه يصون الأهل والجـار
واليوم مابه أحد تمشي معـي جـار
وتجرّّ صوتك معي: يمّه انـا مالـي

وسلامتكم

وهنا كتبتها على

4 3 2 3 4 3 2 ه


ياحْسين ضاق الصدر ياحْسين يامالـي

يح2 سي2 نضا3 قص2 صدر3 يح2 سي2 ن يا3 ما2 لي2

= 4 3 2 3 4 3 4

وهذه زهيريات


زهيريات منتظر

منقول من

شبكة البصرة


جمع عبد الجليل الجبوري

بوش الحقير النذل جان بقلق منتظر

ينضرب بالقندرة من ايد البطل منتظر

حقك أخذته يوَل شنهو البعد منتظر

ثنتين اجنّك ترِس، اتريد أكثر بعد؟

من ضربة القندرة، المالكي عنه بعد

هذا العراقي البطل، أمثاله عدنه بعد

وعاشت يمينك فخر يالزيدي يا منتظر

* * *



لثارك يابو غريب عامات أنا منتظر

وكلما أفزّع الربع عقلي يكلي انتظر

بلجي يجينا النصر والمهدي المنتظر

يبعث إله العرش الواحد القاضي

ويا صاحب الدين دينك ينفرج قاضي

من أجل هذا جمعت الحذي يالقاضي

ضميته لبوش تايرجمه منتظر

* * *



بغداد زيدي ضرب عل هالردي زيدي

نخوة عراقي تلد كل يوم وتزيدي

المرجلة مو ملك ماهي لبو زيدي

اليوم فاض البحر، شط الفخر راسي

يبقى العراقي علم، مثل الجبل راسي

ضرب القنادر فشك وحذاك عالراسي

عاشت يمينك، بطل، قناص يالزيدي

شبكة البصرة


استمع الى الزهيري

http://www.mawaly.com/file/play/24181.html

ودمتم بخير