جديد ..~

قصيدة

(( مـسـآلة بـُعـده ))

أبخطي بالشعر خطوه على درب الحلم قدّام=وبعطي للفكر موعد وبمظي فيه وحداني
بنتلاقى على شاطي الجزاله ننعش الأحلام=وبنثر للبحر همّي واعلّي صوت أشجاني
شعوري اكتمه عام(ن) وشعري يفضحه بايّام=بيوتي ما تعرْف الصمْت قد هامت بألْحاني
توقّف للفرح لحظه .. وتمشي بالهموم اعوام=تذلّ النوم في عيني .. ثقيل الليل باوزاني
وتذكر من غدا كابوس غيبه عالسهر عوّام=هذاك اللي سهم حبّه ذبحني حين خلّاني
طرحلي مسألة بعده وعجزْت هالحلول اتْنام=صعب استوعب الفكره ولو كانت بتحواني
غيابه كسّر اظْلوعي وعيّشني على الأوهام=جعلني فايز بْذكرى وتوّجها بحرماني
وئدّتـّه في وسط قلبي وجبته بالقصيد انْغام=دفنّي في قبر هجره وكفّنـّي بأحزاني
تبنّيته بأسْم الحبّ حبّيته وانا منظام=وهو أبد(ن) ولا قصّر باسِم هجره تبنّاني
تركلي دمعة(ن) حارت بعيني بالغصب وارغام=إذا طاحت تعذّبني تزلزلني وتهجاني
نساني والفرح مثله .. علامه نكّس الأعلام؟=غزتني فكرة النسيان وانتصرت بنسياني
لقيت الضيق في بعده وجبت الشعْر والألهام=ولقيت الفكْر في موعد ..محدّد موعد(ن) ثاني



وسلامتكم ..

محمد القعايده الحميدي