فضاءات الإباء ( نبطي)

[((إباء العرب))]

إليكم أساتذتي الموشَّح بعد التعديل. اعتبرت وصل حرف ( و) بالشطر الأول بمثابة تدوير للبيت. أنتظر ملاحظاتكم القيمة كي أعيد المراجعة. أيضاً أتوقّع من الأستاذة نادية أن ترد بمقطع جديد
تحية الإبــاء والمحبة

يابو العباية هَدّي ْوضَلَّكْ مرتاحْ

مفتاح القلب بْوَردي وْخدَّك تفّاح

**********
هَيدا الحِلو ياإمّي... قدّو ممشوق
عمْرو ماعْطاني كلمةِ وْجَيبو مَشقوق
كِلْ الـ بيتِمُّه لَقمِة وقلبي محروق
ولمّا بيهمسلي إسمي... بِنسى الجْراح

********
وكل مابياخدني سهرة... قلبي بيحتارْ
بْيَعطيني وردة حمرا... بيقطُف أسرار
وبْقلبي بتولَع جمره والعمر نهار
كيف بَدّو يْسافِر بَرّا وعَندي المفتاحْ

********
وَينك رايِح ياأسمر....... رايح بكير
مابدنا القصة تكبَر..........عقلَي بيطير
لوتَعرِف شو عم يكبََرْ.........بِِقلبي كتير
عصفور الشّوق الأحمَر..........بدو يرتاح
*********
رح خبِّر َبيّي بُكرا ...... لو شوماصار
تاتوعى من هالسكرة وتِرْجَع للدارْ
صْحابي قالو ياحَسْرة..........ضاعِتْ نََوّار
رَح قلْلُن إنّكْ راجِع ......يا قلبي فْراحْ