اضبط البراد والدله=واترك الي مالهم ساسي
الخبر ياهاجسي هله=واجمعه في وسط قرطاسي
والشجاعه سيفها سله=والمعاني تكشف احساسي
الردي لابار بك خله=لاترجى قلبه القاسي
والخوي وان شفت به زله=ذكره وش كان به ناسي
المراجل والفعل مله=دينها على البشر كاسي
والمشاعر للغضي وجله=لو تخطى مثل الالماسي
وان رأيت الزين مامله=ياشبيهة ظبي الاطعاسي
اشهد انك يالهوى عله=كم عزيزن ذله الياسي
الشعر مثل النهر طله=يروي العطشان بحساسي
والعمر مثل الزهر حله=يغري المفتون وس واسي
والكرم مثل القصر ظله =يسترك في زين الاباسي
كم غشيمن زادها بـلـه=وانحذف من قب الافراسي
المهلهل طشته زله= زلته في قوم جساسي
واتهى تاريخهم كله= غرته برياه الانجاسي
الفطين الي محد ذله=ماخذين الحق نبراسي
المسيحي(1) مات في غله=انوضع في قبره انحاسي
القمم بأعلى الجبل تله=والرجم باعلى الجبل راسي
والفرض في وقتها صله(2)=وش يفيد الجسم لاخاسي
النهايه والبقى لله=لايلهيك الوقت هوجاسي