قلت لك استاذ ومنكم نستفيد
ممكن تقطع بيت
ودمت بخير
قلت لك استاذ ومنكم نستفيد
ممكن تقطع بيت
ودمت بخير
.. الله يرفع مقامك ..
ممكن طبعاً .. ومو واحد بس ..
ســار القلـــم يـنــحـت علـــى الأوتادي
سا2 رل2 قلم3 ين2 حت2 على3 لو2 تا2 دي2
ولســــانيه ينقــــل لـــــه التــــــغرادي
ول2 سا2 نيه3 ين2 قل2 لهت3 تغ2 را2 دي2
غـــردت فــــي مطـــرى عضيد فوادي
غر2 رد2 تفي3 مط2 رى2 عضي3 دف2 وا2 دي2
فـي مهجعــي و انا ارتكي عــ وسادي
في2 مه2 جعي3 وا2 نر2 تكي3 عو2 سا2 دي2
= 2 2 3 2 2 3 2 2 2 = 4 3 4 3 6
وهو من القرآءه قد يبدوا خطء على حسب الطريقه المقروءه ..
ولاكن مع الغناء على اللحن الذي في المقطع السابق يبين الوزن ..
وهو فن تراثي غنائي في الأصل .. فطريقه الغناء هو وزنه الصحيح ..
شكرا استاذ أحمد
ويعطيك ربي العافية وصح لسانك
وماذا تسمى هذه
#!
التغرودة هنا لها قافيتين للصدر والعجز
http://arood.com/vb/showthread.php?p=31101#post31101
وانت مساويها مشطورة
والمشطورة تكتب على كل الالحان والبحور وليست مخصصه لبحر او زون معين كالتغرودة مثلاً
ودمت بخير
التعديل الأخير تم بواسطة ناديه حسين ; 12-28-2011 الساعة 06:56 AM
صح بدنك استاذي .. والله يعافيك ..
مقطع علي بن حمري او قصيدته ليست من فن التغرود .. ولاكنها اتت على نفس الوزن ..
ولا دري ماذا تسمى بالضبط .. لاكن اعتقد انه تسمى شله او شيله من ابتكار الشاعر ..
التغروده لا تأتي الا مشطوره (اذا كان ما تقصديه انها بشطر واحد فالبيت) ..
وهذه روابط للأستزاده من هذا الفن ..
هذا جزء بسيط من كتاب الدكتور غسان ودراسته عن التغروده ..
http://poetryacademy.ae/mag.php?issueid=4
وهذا رابط فيه عدة قصائد على هذا الفن ..
http://www.alsultanah.com/vb/showthread.php?t=7980
وهذا مقطع لأختبار شاعر المليون لشعراء على التغروده ..
دمتي بفرحه ومسرات ..
جعلتيني اذكرك استاذتي .. الله يذكرك بالخير ..
كان لي مجاراه لقصيدة بن حمري قبل ثلاث سنوات .. طيش ..
كنت مثل ما تقدروا تسموني مراهق سن و شعر ..
يـالله تغفــــر لــي ســـــوى القحطـانــي .. (تجعلنــي ابيـــض قلـــب و صافــي نيــه)
و تحـدنـــي عــن معســـــم الشيطـانــي .. و عــن كــل عجفـــ(ـن) يعتبـر مخطيــه
هيــض هجوســي مضمـــر الألحـــانــي .. صــوتــ(ــن) لأبــــن زميـــع الله حـيــه
وقـت الوحميـــر مـــا بعـــد عصـرانــي .. هبـــت هبـوبــــه و حـركــــت مـــا فيــه
هــزت جحـافــل خاطــري و اشجــانــي .. ســار الفكـــر يــرزف رزيــــف مطيــه
نشـــل البـــدن مصمـولــت الكرعــانــي .. فــج النحـــر و العنـــق سيــــف الــهيــه
مثـــل الوذيــل الـوانــهــــــا تعشـــانــي .. صفـر(ن) كــ شمسـ(ـن) زاهيـه مزهيــه
لـمـــم هجوســـــي يـــا حبـــــر ودانــي .. للـــي مضــــى مـركبتـــ(ــن) لــ جديــه
و اليــــوم مــن بعــد الهجــن شي ثانــي .. شيــ(ــن) عجيــب ، صناعــه امريكيــه
جمســـ(ـن) تهبــع تســـــرح فــ بلدانــي .. تطــوي ولايــــات الـوطــــــن كــ طيــه
مـــن وسعهــا ، تحمـل نصـف سكـانــي .. صحــــم عسـى الرحمـــان يزهــي فيــه
صحـــم يــ ريحـــة اهلــــي و جــدانــي .. صحــــم عـكـــــاظ العــــــز و الــعفيــه
صحـــم يــ منبــــع خيــر مــن ربـانــي .. راســـ(ــن) صميـــدع ، وقفتــه مسميــه
لــ ضيــف شـــاري غالـــي الأثمــانــي .. بـنـــ(ــن) تـهـــــزع لـجلـــه الطــرقيــه
بــ الحــق انطـــق دايمـــ(ـن) وصـانــي .. و الحـــق عتلـــ(ــن) ، قالهــا الـوصيــه
عســى العمــر لــه يستمــــر أزمــانــي .. و منـــي رهنــــت الــروح لــــه مهديــه
غيـــر مســـارك ، حـــوج لــ ظبيــانــي .. يــا حـبــــــر جــــــاري لـــي القـافيـــه
يــا منوتــي ، يـــا ممـلـــس الذرعـانــي .. يــا دعوتــــي ، لـك رافعــــ(ــن) كفيــه
يــا مهضــم الكشــح ، و عضـد ريـانــي .. يــا مـــــرخ عـــود(ن) خالــي الدهنيــه
فـــوق المهنــــد دعــج مـــن الأعيـانــي .. تـحــت المهنــــد ثـغـــر بــــارح ضيــه
امــا الجـدايــــل مسبـلـــه عــ مـتــانــي .. عسعـــس و حنــــدس مـكعمـــه لـه فيــه
متـــى علـــى الله نزفـــه بــ جمسـانــي .. و نكمــــل نصــــوف الطـاعـــه الدينيــه
و نسيـــر صـــوب الـــي بهـــا خـلانــي .. صحـــم يـــا دار الـجـنــــــه الأرضـيــه
عســـى الرهـــام تغطــــي الأركــــانــي .. و يعشـــب سيــح و حجــر(ن) و واديــه
و عســى المخايــل تسكـــن فـ اوطـانــي .. تـبــــــرق و تـرعــــد دار الــعـمـانـيــه
عبـــر المضيـــق الــى نجــد سمحـانــي .. عـســــاه صبــــ(ـــن) يخضـــر البريــه
يـالله تغفــــر لـــه و لا تـنـســـــــــانــي .. (تجعلنــي ابيـــض قلـــب و صافــي نيــه)
جميل ، رغم أن كلمات كثيرة و عبارات لم أفهمها .
لا تبخل علينا بنشر قصائدك في مواضيع مستقلة .
بالتوفيق
الجميل هو مرورك .. شكراً لك ..
استاذتي انتي اشيري فقط للذي ليس مفهوم .. وسيتم التوضيح بأذن الله ..
وعلى العموم اغلب او كل المفردات من اصل كلمات في اللغه العربيه الفصيحه ..
ولاكن ربما مع العد و ادخالها في القصيده تكون غير واضحه او غير مفهومه ..
وعسى التوفيق للجميع ..
عفواً استاذتي .. وسيتم التشكيل في الجديد بأذن الله ..
هذه معاني الكلمات المطلوبه ..
معسم : مطلب او مطمع ..
عجف : هو الشيء الخفيف او الهزيل او الضعيف ..
هيض : حرك او هيج (من الهيجان) ..
هجوسي : من مفردة "الهاجس" .. وهي الخواطر او الأحاسيس او المشاعر ..
هيض هجوسي : حرك مشاعري ..
رزف : تسميه لحركة الأبل في الركض بسرعه ..
يرزف رزيف : يركض ركيض ..
مصمولت : من المفرده "صمل" .. أي شديده او قويه ..
الهيّه : المعركه او الحرب ..
الوذيل : من انواع الذهب ..
جمس : من انواع السيارات ..
تهبع : من المفرده "هبع" .. وتعني مشي او سير ..
جمسن تهبع : جمس تسير ..
صحم : اسم لولايه من ولايات سلطنة عمان .. وهي منطقتي ومسقط رأسي ..
صميدع : الشيخ السخي ..
منوتي : امنيتي او ما اتمنى ..
مهضم : نحيل ..
الكشح : الخاصره ..
مرخ : الشجر الرقيق اللين ..
ضيه : نوره ..والكلمه مشتقه من كلمة الضوء او الضياء ..
عسعس : ظلام ..
حندس : شديد السواد ..
مكعمه : مغطيه .. من المفرده "كعم" وهي تعني غطى او سد ..
الرهام : مطر خفيف دائم ..
عسى ان اكون قد اوضحت ما كان غير واضح .. دمتي في حفظ الله ..
التعديل الأخير تم بواسطة ناديه حسين ; 01-03-2012 الساعة 03:55 PM
ماشاالله تبارك الله
الف الف مبروك يالغالي
وعقبال مانشوفك مدرس هنا
عللنا نستفيد قطرة من معين حرفك
وما اقول الا الله يسعدك ياخوي
ونتمنى نشوف ديوانك ع عجل
مودتي لك يالطيب وطيب احترامي
السلام عليكم والرحمه
مبروووك الف مبروك اخوي احمد ع التخرج
بس عندي ملاحظه بسيطه لوزن بيت
ســار القلـــم يـنــحـت علـــى الأوتادي
سا2 رل2 قلم3 ين2 حت2 على3 لو2 تا2 دي
على حسب تقطيعك بيكون نطق الكلمه ( لوتادي )
وعلى هذا التقطيع بيكون نطق الكلمه ( الاوتادي )
سا 2 رل 2 قلم 3 ين 2 حت 2 علل3 او 2 تا 2 دي 2
شكر لك اخي الكريم ومبروك للمرة الثانيه
وعليكم السلام ورحمة الله وبركاته ..
الله يبارك فيك ويعزك ويعطيك الف عافيه..
وشكراً جداً على زيارتك الطيبه والمفيده لصفحه ..
فعلاً مثل ما تفضلت .. وملاحظه طيبه ..
لاكن تنطق شعبياً "لوتادي" ..
والأفضل هو نطقها "الاوتادي" مثل ما اشرت ..
لتكون على لغه عربيه فصيحه صحيحه ..
مثلها مثل نطق "لنغامي" و "الأنغامي" ..
الأصح كما جاء في نطق الكلمه الثانيه ..
ولاكن كألقاء وغناء بالنبطي ستجد الثانيه كأنها متصنعه ..
وان الأولى ستكون اكثر عفويه ومناسبه ..
وشكراً لك مره أخرة ..
الذين يشاهدون الموضوع الآن: 1 (0 من الأعضاء و 1 زائر)
المفضلات