إبداعات أبي المنتظر

دارميــــــــــــــــــــات
*****************
راح اشكي لله عليـــــــك ليلة الجمعه
ورايد مـــــن الأحباب تفزعلي فزعه
####################
لا لالــــه لا فانوس لا شمعه بالبيت
أعمى وادمّس بيه بس وحدي ظلّيت
###################
لا قيمه لا مهروس لا والفسنجون
مثل اليواعد وعد واسكَيك يا كمّون
###################
رَعْد ومطرْ وغْيومْ والدنيا ظَلمَه
والوكِتْ شَل الشوف خلّاني أعمى
###################
ها هِمِتْ هَا هَمّيتْ ها هَمْهَمِتْ بيه
عايش بهالهاهات لَمَّــنْ أصِلْ ليه
###################
ما هَمْني هَم الهامْ , هَمْني الهمَلني
حزام الظَهَــــرْ ظنيتْ , لكن خذَلني
###################
فأجاب محمد الكواز
****************
انت الضوه الوهاج للظلمه كاشف
مرّت عليــك اشكال شايف وعايف
###################
فأجبتــــــــــــه
************
انت الهوه الكواز وابن المضايف
تشهدلك بهالزود كــــــل الطوايف
###################
وأجاب عدنان الشمري
******************
انت الگمر والليل بيــــــك يتضوه
وانت الوكت وياك ساعاتــــه حلوه
###################
فأجبتــــــــــــه
***********
روحــــي يبعد الروح انطيها فدوه
لجلك لأنك حوك جــي إنتَ نضوه
###################
وشاركت Ezdy Wafa
*********************
عتم الدني ???
وضو هالشمس انطفى ...
أنتا الدني !!!!
وعيونك بتنبع وفا ...
لا تنحني !!!!
من نورك الضو اختفى ...
###################
فأجبتهـــــــــــــــــا
***************
ازدي عسى عيشك هني / ودنياك خيــــرٍ تجتني
ونورك يضوي ع الدني / يا نور عيني وسوسني
###################
وأجاب Jameel Raheef Alzwaini
**********************************
عيوني اخذهن شوف بيهن يغالي
فدوه الك يامهيوب روحي وحلالي١
فأجبتـــــــــــــه
************
تسلم عيونك دوم يا بعــــــــد خالي
وتبقالـــــي يالمهيوب بالعرب عالي
###################
وردَّ محمد الكواز
**************
اثبت غباء الصار يجفي ويهملك
بالاريحيه ويــــــــن ينوجد مثلك
###################
فأجبتــــــــــــه
***********
رحمه اعله ابوك الشيخ , رحمه اعله أمّكْ
يا وفـــــــي خادم كون يَمَّـــــــك واخدمكْ
##################
أجاب محمد الكواز
***************
يامرهف الاحساس ** روحي أحسك
طبعك ترف ذواق،، شفافـــــــه نفسك
#####################
فأجبتـــــــــه
***********
ادعو ابـــــــو العباس لا ضر يمسّكْ
لنك فريد ادريــــــك نوعـك وجنسكْ
####################

ابو منتظر السماوي