كتب Dawood Kw
******************
یل زرت ابو الحسنین اشکیله حالي
كله النظملك بیــــت ضل بیته خالي
فأجبتــــــــــــــــه
*************
إشكيله بالكلفات , مو بيت خالـــــي
كَدام أبو الحسنين أطلب الغالـــــــي
************
أطلب جنان وحور , أطلب شفاعــه
إن جان حبَّك بيه مِن الرضاعــــــه
************
آخره ودنيا تريد , اطلبها منَّــــــــه
ينطي وبلايه حدود , من دون منّه
***********
شِد الحزام بزود واكَصد ثنيتـــــه
يهلــل يمرحب بيك جنّك ابّيتـــــه
***********
يعتذر جَـنْ ظنّيت وبشَغلتك هاي
لا ,لا تظن يفلان ,غَمَّك لهالراي
***********
روح اكَصد الشبّاج كَلّه آنــه عَنّاي
يكّضيها والعباس جن شربة الماي
**********
إكَصدْ أبو الكلفات , كَلّه اجيتــــك
تنكَضي باللحظات , إنتَ ونيتـــك
**********
ذِبْ عَبرتك روح يَمْ فحل الفحول
كَلّه احنا بايعناك, شتريد همْ كَول
*********
يلْ تحب داحي الباب بالدفتر اسمك
صَدِّكَ سِجِلْ مَكتوب إسمك ورسمك
**********
يَــلْ عاشكَ الكرار , عشكَك حِلالَه
بالكَبــــــــر يتلكَاك هــــــــــوَّ وآله
**********
حبّك يبو الحسنين بي كَلبي مفتون
والمحب لو محتام ما يكَدر يخون
**********
رايـــد لبو نجيمات يوصَلّه صوتي
يحظر علي الكرار لو كَرب موتي
المفضلات