على بحر الصخري / الوافر المقفى
نـــــــــــــدّوش
على بابي تقف ماسك لـي سْـلاح
ولو مـرّ الهـوى صوبـي تزيحـه
ومدري وش جرى وش جّد ياصاح ؟
وربي ..منْك مانـي مستريحـه
وهي غيره أو ان الشـك ذبّـاح
وهل خايـف اسبّـب لـك فضيحـه
انا احسب وابتعد عـن كـل مـدّاح
وردّ ردود مختصـره و شحيـحـه
اخاف انـك تصيـر بيـوم سفّـاح
بعد ماتْشـمّ ريحـه بْـدون ريحـه
حبيبي الحب ماهـو شـك وجـراح
وروح الحر ع الفطره الصحيحـه
انا اعرف كيف اهدي الكون افـراح
وانا اعرف ابعـد القـوم القبيحـه
ومن خوفي علي قـررت الافصـاح
قبـل لاصيـر (نـدّوش) الذبيحـه
انا بك طيره تملـك حـسّ صـدّاح
انـا لـك والقصايـد بـك مليحـه
ابـي ترتـاح يابـو رمـش ذبـاح
بدونـك ماتجـي اصـلاً قريـحـه
وسلامتكم
