قصيدة مطلوب خشان الخشان وناديه الحسن والمشرفين ولاعضاء

السلام عليكم ولكم وحشه

هذهي القصيده اهدا لاخي خشان وللاخت ناديه الحسين

بما قدموه للجميع من نصح وارشاد

وبا لهم معزه بقلبي

وارجو النقد في اي ملاحظه

ونوع البحر

وجميع الاخوان مشرفين واعشاء

يشرفني نقدكم بكل رحب

مابين حزنـي والـورق والمعانـي=اكتب قصيدي بين ظلمن وحـره
الدرب وينـه ياسهيـل اليمانـي=دارت بنا الدنيا على حيـن غـره
قفى طريقي عن طريقـه زمانـي=والقلب حرق من لواهيب جمره
لوهي على كيفي ظروفـي ثوانـي=لاحط انا في عالم الكـون جـره
لجعل قصيدي فالكواكـب مبانـي=يضوي سنا من فوق نجم المجره
اثره غريبن هالزمن لـو عطانـي=لابد يومن ينكشف فيه امـره
من عقب ماهو صاحبي ديدماني=هجر زمان العشره وخـان سـره
ان كان قصده في غرامه بلاني=تراه ماحرك من الراس شعره
صحيح اعاني من الشقى مااعاني=وهليت دمعي بين همن وحسره
لاكن الي قلبن مع الضيم اناتـي=يجزع الا شاف الردى حول بره
يشلع ولا عـاش بحياتن طماني=يفر بجناحـن كمـا الطيـر فـره
مكانته من طيب عالي مكاني =ولا الردي بيموت محدن يمره
حتى ولـو انـه خويـي نسانـي=وضاقت علي الكون مثقـال ذره
اصبر كما يصبرعلى السجن جاني=مترقبـن يومـن يفكـون اسـره
ياما املنا آمال فيها امانـي=وياما بنيا احلام فيها المسره
راحت سنين العمر كلـه ثوانـي=وذبلت وروده والزهر فوق قبـره
ومات الغلا والحب ياحلى امانـي=وفارقت قربك بين زينـه ومـره
وكل الامل بالله معطـي الجنانـي=انه ييفـك الهـم ويفـك ضـره
ويادمع وقـف لاتعـذب كيانـي=ترى الفرج للعبد في قـو صبـره
وانا احمد الله يـوم ربـي هداني=لدرن ثمينن وسط عيني مقره
والدرب وينـه ياسهيـل اليمانـي=دارت بنا الدنيا على حيـن غـره

ماجد محمد المشعلي
القاسي