ليتِ لي حظـْ ... على بحر الشمس .. !!

اخوي احمد

هلا بك وصح السانك مليووووووون

وزنها علي الكيف

وهذي قصيدتي اللي كتبتها علي هذا البحر


ماجا علي الكيف

الهوى ياهواي ماجا علـى الكيـف=الهوى لو عطـى هدايا خذاهن
والسوالف على التساويف ياحيـف=كلهـن انتهـن بلحظـة صفاهن
هي ليالي قضن وراحن مع الصيف =والشتا جا وجاب هـم و طواهـن
والسواقي على العطاشا الملاهيـف=صوتهـن انقطـع وزمـن شفاهن
صمتهن قال لا ولا قصد تخويـف=لا امل لا قلوب تلحق رضاهن
لابورودي ندى ولاضمهن ريـف=العطش يالعطـش ويامـن سقاهـن
والجفا برد ويامسيكيـن ياضيـف=عزوتك مااحتفت بضيف(ن) لفاهـن
لاطفولـه و لامـرح لادواريـف=والدموع وشجنهن وش وراهـن
والهوى مستبد ويشهرعلي سيـف=واحتسبت الجـراح اللـي عطاهن
وش بقى في الحياه إلا التحاسيـف=واعذابـي طغـن بقلـة حيـاهـن
والهـوى مايجيـب غيرالتكاليـف=مايفيـد الهـوى عيونِ قذاهن
وانتهت عاشقه ومازلـت ياطيـف=للقوافي تجـي وتسهـر معاهـن
وش بقي في الحياه الا السواليـف=والف ليله علـي عيونـي شقاهن
والنهايه أموت وتموت : ياحيـف!=والسوالف تروح محـدِ حكاهن
الهوى ياهواي ماجاعلـي الكيـف=والليالي عسـى تلاقـي رثاهن

صح لسانك .. وجاد بنانك .. شاعرتنا الوقورة


وكأني قرأت هذه القصيدة من قبل أن أكتب قصيدتي هذه




ولي عوده بإذن الله علي نفس المتصفح واقطعها هنا

ودمت بخير اخي

صح بدنكِ .. ولا أهانكِ الله أختاه ..

وكم أنا سعيد ان نالت هذه القصيدة
إعجابكِ يامن أهديتِ لي هذا البحر الطربي
الجميل حقيقة ..

وسوف أقوم بنشره باسمكِ في كل مكان

تقديرا لكِ شاعرتنا الكريمة



وأرحب بعودتكِ دوما شاعرتنا الكريمة ..

ولكن لا حاجة للتقطيع .. فأنتِ شاعرة من ذهب

و أوزانكِ من ذهب أيضا


تنورة الصفحة وصاحبها بمروكِ الزاهر العاطر

الذي أضاف على القصيدة البيت الأخير


رعاكِ الله وبارك في دنياكِ