قصائد وبحور (نبطي)

صخري


دكتور اشواق


أنا كلّي وله بـه كلّـي اشـواق
وهو مثلي يزيد الشوق تشويـق

سكنّي ماترك احسـاس برفـاق
ينـاور باالرسايـل والطواريـق

يعيـن الله عاشـق مابعـد راق
وطاروقه يغـلّ القلـب تطويـق

واشاوق له حبيب الروح مشتاق
ولاغيري ابـد لاشواقـه تليـق

وفاجئني الحلو بشـلال رقـراق
رسايل تنتشـى منهـا المعاليـق

حشاشة روحه الحلوه ياعشّـاق
عسل صافي و رسل مليون ابريق

سلاف الشوق والاشـواق دفّـاق
مشاعر تبهج قلـوب المعاشيـق

حبيبي ذا ملك دكتـور اشـواق
يداوي من ضناه الشوق مايطيق

وودّه نلتقي من عقـب الفـراق
وودّي بدندنه ونشبـع طواريـق

ولكن ماحصـل والوقـت بـوّاق
وعدنا وماصدق راعي التواهيق

حبيبي ياحياتـي خذنـي ببـراق
نسافـر مانبـي معنـا مخاليـق

ياويلي والمسافـه بعـد الافـاق
وهمّي بحت به من بعـد تعتيـق

حبيبي راح يم المـوت ماطـاق
وانا للحين اشاوق له وبي ضيق
وسلامتكم