قصائد وبحور (نبطي)

]شيباني



مين يحاسب الورده




انا وقلبي نحب الشعْـر نلعـب بالقوافـي لعـب


وتمطر روعة احساسي وينبت من نداهـا زهـور



وتتفتح زهور الوجد وارويهـا بْشعـوري العـذب


وادوّن صادق احساسي واخاطب من معاه شعـور



واجمع مفـردات الحس وانظمهـا قصايـد حـب


واخلي الكون يتلـون بدهشـة عالمـي المسحـور



وأجْمع زهري بباقـه تخلـي كـل عاشـق صـب


يحاول يآصل شعوري ويبنـى فـي الغـرام قصـور



ومشكلتـي اذا العـذال وقفولـي بنـص الـدرب


وكل واحد يبي قلبي وعلـى بابي وقف مخمور



وانا ادري اني على الفطره ومالي باللـي صايـر ذنـب


وقلبي صافي النيّه يعرْفه مـن يعـرْف الحـور



انا قلبي على الفطره يحب ويطـرب وينحـب


ولا همّه بمن يحسب كلامي له ويشهد زور



ومين يحاسب الـورده اذا تنبـت بـوادي خصـب


ومين يعاتب الورده اذا تنثر شذاها عطور؟!



ومين يشك فـي القـدره؟ !و هـذي قدرتـك يـارب


ابتعلّي علـى الحاسـد واقولـه :حـر يامقهـور



وبااكتب صافي احساسي وبعلن ع العـواذل حـرب


انا ماني ضعيفة قلـب انـا انثـى وكلـي غـرور




وحسبي ربي الحافظ حفظ يوسـف بوسـط الجـب


وحسبي ربي الواحد علي كل من نوى لـي شْـرور




ابكتب وارسم شعوري واحاور مـن بجوفـه قلـب


فمان الله ياحروفي ياغيمة جوري ومنثور

وسلامتكم