السلام عليكم ورحمة الله وبركاته




اليك القصيده كامله استاذي خشان اطال الله عمرك ونفع بعلمك





سلام ياهل الشجن
اهل الشذا واللحن
والشهد فوقه سمن
والناس بحْلالها


غنيت بعض الطروق
شذّبت بعض العذوق
واللي لفانا يذوق
البنّ بدلالها


كان البشر في دعه
بيبانهم مشرعه
والدهر من اينعه
والخير مسبالها


متعاونين بكفاح
في كل طيب وفلاح
سودان ماقط صاح
والطير غنالها


ماغير كيفك هلا
ولْك الغلا والولا
والقلب ماقد سلا
عن ذكر ابطالها


في جسم ماهو عدم
لكنَ مافيه دم
ماغير حبر القلم
والعقل شلالها


وبكل علمن سديد
يبنون في كل حيد
بنيان ركنه شديد
يازين منزالها


واللي لفا هلّ هل
بالبشر والنور طل
ماغير زان المحل
مع بسمة هلالها


ظلوا عليها دهور
يجنون ورد وزهور
ماغير عود وعطور
والجو يحلالها


قال الرواه انهم
من عقب ذيك النعم
شيطانهمّ استهمّ
مايعجبه حالها


جاهم بصورة نزار
يعقد معاهم قرار
والصوت صوت الحمار
يالربع ماهو لها


ويدس سمّ بعسل
ويقول ماشي حصل
عز الله انه فشل
والشر ضوّح لها



واللي ضعف قال هاه
الحق منهو معاه
هذي الولايه وصاه
ماغير جهالها


والفتنه اللي سرت
لليوم فيها ربت
بعض العرب مادرت
قصتْه وإشكالها


منهم تيوس وهيوس
الفعل فعل المجوس
وسط الخرايب تحوس
يابري حالي لها


واللي بشعره يطر
مافيه خيرن وشر
والقبل مثل الدبر
ماهو من رجالها


خشمه خضر في حمر
ويحب ليل السمر
في الباديه لو تمر
والناس تعنالها


مافيه فود ومفاد
ماغير يقفى العباد
هذا معيض وزياد
حاله ياحلّالها


والمشكله راس ذيل
مربوط في ذيل فيل
والفيل ليله طويل
ماغير حمالها


الفصل الاول قضى
والعهد الاول مضى
والقوم تدعي رضا
والفال بعيالها


قال المحدث كفى
اليوم حقه وفى
والعين جاها الغفا
بالغدّ كمّالها


والعلم حقه نهام
في السفر بعض الكلام
عن ذكر ذاك الامام
وكتابنا قالها