قصائد وبحور (نبطي)

اهلا استاذ خشان

منور المتصفح

اقتحام مفاجيء .. وتسلم كلك ذوق تسلم يدك

الله يحفظك :)

على بحر الصخر


الشوق




شكيت وقلت لك :ياخل إشتاق

ذبحني الشوق قلبي منه محروق




بغيتك ترحم وتسقى لـي خفّـاق

لوى بالشوق آه اضناني الشوق




وجيتك اشتكي من كثر ارهـاق

عيوني تبتهل والقلـب مخنـوق




شكيت وقلت لك ماطيق الفـراق

منايا الحقك ياكامـل الـذوق




واطير برفقتك لبـروج وافـاق

ونتغازل كما عاشـق ومعشـوق




اقول الشوق وانطر همس شوّاق

ترد بشوق ياخذ عقلـي لفـوق




وهام الوجد في غضات الاوراق

بنشوى ياعساني منها ماافـوق




وحل الموت موت اللي شم ماذاق

يدور في الظما عن حزة بـروق




وفجأه يمطـر العنـاب رقـراق

كما زمزم تداوي من معه عوق


وسلامتكم

على بحر الشيباني


هلا بك





هلا بك كثر ماعينـي تحّـرت رجعـة الغيـاب

هلا بك كثرماهلت دموع الشوق مـن عينـي




هتف قلبي يهلّي بـك وبعيوني بقاياعتاب

دخيلـك لاتـروح بعيـد تكفا لاتخليـنـي




جمعنا الوقت بالصدفة معا ك وصرنا لك أصحاب

ولا اسمح لـك تفارقنـي وتتعبنـي وتبكّينـي




دخيلك لاتخلي الشوق صفحه حايـره بكتـاب

يكفي من عنا بعدك كرهـت الحـزن بسنينـي




تمنيتـك بأيامـي اغانـي مـن فرح تنسـاب

تمنيتـك تمنيتـك بكـل سـاعـه تلاقيـنـي




كرهت ألقاك بدموعي و احن لراحة الاعصـاب

تمنيتك في عز البرد تدفا بي وتدفيني




أنا كلي علي بعضي قصيده من ولـه وعتاب

ومن غيرك قرا حرفي ومن يعرف دواوينـي




عسى حكي القلم يقدر يرجّع بسمـةالاحبـاب

وتنسى قصـة الترحـال وبرجوعـك تهنينـي

وسلامتكم

على بحر الصخر



العنيـــــــده





أفكر فيـك وبقلبـي وعنـاده


يطير النوم وافكـاري جديـده




أفكر فيـك وبحـب وسعـاده


وليالي تجمع قلوبـن وحيـده




ألا ياعاشقـي عشقـي زيـاده


كبر ذا الكون تهـواك العنيـده




ولوأبعد وصار البعـد عـاده


لاتحسبني مع اشواقي شديـده




بدونك عمري ساير في حـداده


لبس أسـود وأحزانـه مديـده




هجرت الأحمر وعفت القـلاده


لقيت اللوم من خصري وجيده




لهيب الشوق بأحضاني وقـاده


وطول الليل اعاني من وعيـده




يكايدني يواصـل فـي كيـاده


يجيب الماضي يحكي لي ويعيده




حبيبك ذا هوى قلبي ومـراده


ويوم الوصل عيدك قبل عيـده




يبهذلني وانـا مابـي جـلاده


عنيد انته وانا أكبر عنيـده




أحبك حـب مـن ربـي إراده


وكل ليله قـدر ربـي يزيـده




نويت ارمي ضنا قلبي وعنـاده


نويت ارجع قبل لاصبح شهيده




هدب عينك أسر قلبي سـواده


وشهد النون يتغلل وريـده




لعشقي لك معي أصدق شهاده


أنا بدونـك بهاالدنيـا شريـده




نويت اهدي لك القلب بـوداده


وأرجع طفله بأحضانك سعيـده




يعيش الحب نعطيـه السيـاده


يضل حاكم نضل احنـا عبيـده




ياعاشقني أنا عشقـي زيـاده


كبر ذا الكون تهـواك العنيـده




وسلامتكم

على بحر البسيط




اسود على اسود





اسود على اسود حياتي حزن وحداد

الحزن ثم البكا والمـوت عنـدي




قلبي لوى من زمان و صـار عـداد

يا روحي عدّي الوجع للألف عـدّي




فارقت ربعي وغابت كل لاعيـاد

ياعمري اللي وقف ماعـاد يجـدي




قلبي رهين المواجع حزنـه وكـاد

وكن عذاب البشر شلتـه لوحـدي




يوم الجزع زارني في الوحل يصطاد

لقى مكانـه نـوى باالويـل جلـدي




جات النهايه على كيف الله مـاراد

مير الكئابه وطت بجنـوب كبـدي




قلت الصبر مير فارقني وماعـاد

لعنه وحلّت علـي ماعـاد يمـدي




ياحـظ كـل العـواذل فرْحهـم زاد

والعاذله تشتفي من لـوم وجـدي




يالله تنـزل سكينـه تغمـرفـؤاد

يالله تعجّـل علـي بْيـوم سعـدي


وسلامتكم

على بحر الصخر


تفارقنا



تفارقنا ولاادري كيف صارت

قدر مكتوب وتقدّرعلينا



امانينا استوت من ثم طارت

تلاشت في فضا الدنياالحزينه



ومادري ليه ظروف الوقت جارت

علينا ومابقي شي بيدينا



علامات الشجن في عيون غارت

كما برد الخريف بياسمينه



كماشمس اخسفت ثم استدارت

ظلام وليل غربه تحترينا



يارب ارحم قلوبن استجارت

من الأشواق والفرقه اللعينه



وضاقت باالنوى ثم استجارت
بوجهك يامعين الصابرينا


وسلامتك

هزج نداوي

رمل نداوي

بطرق جديد


حزن الورود




وحدك المسؤول عن حزن الورود


وحدك المسؤول عن هذي اللهود



افـقـدك يـــاذا الـوعــد


ووعــدك مـاارجـع بـعـد !



دنيتي وايامـي الجيّـات سـود


والمواجع دايم بصـدري تجود



لاامـــل بـاقــي ابــــد


كـــل مافـيـنـي فـقــد



افقدك وافقد شعـوري بالوجـود


لاامل يرجع ولا باقـي صمـود



كــن صايـبـنـي حـســد


يمـكـن ارحـــل لـلأبــد



اعزف لقلبي نغم بوتـار عـود


يمكن اللي راح من عمري يعود



ايــه يــا وجــه السـعـد


مـاأبـي غـيــرك أحـــد


وسلامتكم

على بحر البسيط

على بحر الرمل النداوي :)

مربوعه على الرمل



وين صاير


وين صاير وين وين


وين زولك مايبيـن


وين محبوبي الحزين


كيف قلبك استـراح!



ماتراسلني في بريد


لاخبر عنـك جديـد


جيتك بشوقي اريـد


بس اسلّم ع الجراح



جيت لديـار القمـر


جيت وديارك قفـر


لاربيـع ولامـطـر


مالقيتك قالـوا راح

وسلامتكم

هزج

زمل نداوي



قل لي كيف ؟!





قل لي كيـف انسـي حبيبي ؟!



لاتـظـن انـسـي ابــد



لاتظن حبّك أحد



كثر حبي يابعد




عمـر مـن حبـك حبيبي




قل لي كيف انسى حبيبي !!!



والمشاعـر لـك طـيـور



والمعانـي بــك تــدور



والاغانـي تصيـر نــور



مـن تجـي يمـي حبيبـي



ترقـص الحانـي طــرب



والعـب بقـافـي لـعـب



تمطـر اشواقـي واصب



واسقـي بكاسـي حبيـبـي



وينتشـي العمـر ويطـيـب



والهـوى يصبح لهيب



وانـت مثـلـي ياحبـيـب



قل لي كيـف انسـى حبيبـي



كيـف انـسـى اللي حصل



واللـيـالـي والـغــزل



رمش عيني اللـي اكتحـل



يعشـق وصوفك حبيبـي



قل لي كيف انسى حبيبي




؟!



الـحـلا انــت الـحـلا



والـغـلا انــت الـغــلا



دونـــك انـتــه لا ولا



يستمـر عمـري حبيـبـي



قل و كيـف انسـى وانـا



عاشقـه ومـالـي غـنـا



والـهـنـا وش الـهـنـا



غيـر بوصالـك حبيـبـي



قل و كيف انسى حبيبي



لاتظـن انـسـى هواك



قلبـي لحـظـه ماسلاك



لاحـيــاه الا مـعاك




حبّنـي اكـثـر حبيـبـي


وسلامتكم