التسجيل متاح - الاسم ثنائي - تحول الاسم للأخضر يعني التفعيل - البداية من( المشاركون الجدد -1). سيحذف تسجيل من لا يبدأ خلال شهر من تسجيله.

 

أخر عشر مواضيع دراسة لسانية إيقاعية لنظام الخ...  آخر رد: خشان خشان    <::>    قدماي متعبتان رأسي فارغ - جاني...  آخر رد: خشان خشان    <::>    نظيرة محمود ٤  آخر رد: خشان خشان    <::>    أستاذتي حنين حمودة شكرا  آخر رد: حنين حمودة    <::>    البنية الإيقاعية في الشعر العر...  آخر رد: خشان خشان    <::>    السرعة الافتراضية  آخر رد: خشان خشان    <::>    أستاذتي منى كمال - مبروك  آخر رد: ((منى كمال))    <::>    لا شيء يوجعني- م/ع  آخر رد: خشان خشان    <::>    هي سهلة  آخر رد: حنين حمودة    <::>    نظيرة محمود ٨  آخر رد: حنين حمودة    <::>    أستاذي المفضال  آخر رد: خشان خشان    <::>    حد أدنى ميسر من النحو  آخر رد: خشان خشان    <::>    مخلّع الرجز  آخر رد: خشان خشان    <::>    سهيلة بليدية 2  آخر رد: خشان خشان    <::>    (بحور وتراكيب)  آخر رد: خشان خشان    <::>    نظيرة محمود ... مثالا  آخر رد: خشان خشان    <::>    هل يجوز الكتابه على بحر الهزج  آخر رد: محمد الخبيش    <::>    سناد التأسيس في قصيدة التفعيلة  آخر رد: خشان خشان    <::>    تشعير - يا أنتَ  آخر رد: خشان خشان    <::>    منطتا عروض وضرب  آخر رد: خشان خشان    <::>   


الإهداءات


قصائد الشعراء بين العروض والشعر آصرة لا تنبت. من أعضاء المنتدى من حلقوا في سماء الشعر، لكل شاعر صفحة في هذا المنتدى ليودع فيها ما شاء من قصائده، لتكون مرجعا لما لا يعلمه العروض من روح الشاعرية ونبضها. {{ولا بأس من التعليق في هذا المنتدى }} لكل شاعر أن يفتح صفحته.

رد
 
أدوات الموضوع طرق مشاهدة الموضوع
  #1  
قديم 04-22-2009, 08:23 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
قصائد وبحور (نبطي)

بسم الله الرحمن الرحيم

اساتذتي الافاضل يسعدني ان ادرج قصائدي هنا

وارجوا ان تجدوا المتعة والفائده

على بحر الرجز




راجعه

الوزن 4 3 4 3 4 3 4 3 ه..........4 3 4 3 4 3 4 3


القاف ترقص للبحر رقص الرجز ترمي الوشاح

فلّت ضفايرها و تبي تنزل لقلبه و تسحره


والمعنى سارح في شعر شلال كنْه الليل طاح

يرسل نسايم من زهر برياض جدا مخضره


والقلب سامح مبتهج ترقص على نبضه الملاح

يعكس صور من ماسةٍ بألوان طيفٍ مبهره



ياسيّدي دامك هنا نسهر معك حتى الصباح

يحلى السهر ويّا الوتر والليل ساري وتخبره



ماخذ معه حزن الليالي من بقايا أمس راح

ماخذ معه حزن الغريبه الخايفه من آخره


بحزم متاعي و راجعه يمّ الأمل لي مستراح

صدر الأمل مابه حزن به الف ليله مقمره


بفرد جناحي وراجعه ويّا الطيور اطوي الرياح

من يعذل طيور(ن) سرت يمّ الربوع المخضره


بين السما وبين العيون اللي هواها سحر لاح

به الف قصة وبينها العفْو عند المقدره


وسلامتكم

البيت الأول

ال قا فترْ قصْ للْ بحرْ رق صرْ رجز تر مل وشا حْ

فلْ لتْ ضفا يرْ هوْ تبي تنْ زلْ لقلْ ب و تسْ حرهْـ






وارجو لكم المتعه والفائده

دمتم بخير


التعديل الأخير تم بواسطة : ناديه حسين بتاريخ 02-13-2014 الساعة 07:46 AM
رد مع اقتباس
  #2  
قديم 04-22-2009, 08:27 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574


مربوعة على بحر البسيط

4 3 2 3 4 3 4


الحب


الحب شوق ووله وآهات مغبونه

واحساس حزن والم بقلوب مفتونه

تلقى المجنن على الاطلال يبكونه

وكل(ن) يقل لك حكايه عن بقاياانسان



والشوق ويل وسهر ودموع سكّابه

وان غاب خلك تروح تدقدق ابوابه

مير المصيبه اذا كل واحد بلابه

تموت ليلى وقيس يْنبّش الكثبان



والويل ويلاه ياويلي وويلي آه

كلن بهمه سرى عاتب على دنياه

وويل قلبي على اللي صرت اناليلاه

بيعيش في دنيته هايم مدى الأزمان


ال2 حب2 بشو3 قو2 وله3 وآ2 ها2 تمغ3 بو2 نه


=4 3 2 3 4 3 4





وسلامتكم

التعديل الأخير تم بواسطة : ناديه حسين بتاريخ 01-10-2015 الساعة 02:22 AM
رد مع اقتباس
  #3  
قديم 04-22-2009, 08:31 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الصخر (الوافر)


3 4 3 4 3 2



يدق

يدق الباب وقليبي يدقدق
ياويلي من عيونك وش وراها


على قد العيون اللي تعلّق
عيونك مايعلقني سواها


غموض البحربعيونك يشوّق
ونار الشوق فيني من لظاها


هدبها يجذب و قاصد يغرّق
وانا ودي وابي اغرق معاها



أحس بشوقهاالحارق يدفّق
لهايب تاخذ الروح لهواها


وغرّب في شواطيها واشرّق
واعانق موجةالصبح ودفاها


وماهي بس عيونك من تخقق
شفاتك تاخذ العقل بحلاها


كما حبة عنب احمر تبرّق
تحس الشوق ذايب في لماها



ولي ناظرتها ماقدر أدقق
اخاف النفس تغلبني بغواها



وصوتِك لي نشد كوني يورق
قبل ماتمطر الدنيا بسماها


لذا بطوي مراسيلك واطبّق
ولا بسأل عيونك وش وراها

وسلامتكم

على قد العيون اللي تعلّق
على3 قد2 دل2 عيو3 نل2 لي2 تعل3 لق2


التعديل الأخير تم بواسطة : ناديه حسين بتاريخ 09-26-2013 الساعة 06:23 AM
رد مع اقتباس
  #4  
قديم 04-22-2009, 08:39 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
هستريا الاشواق



يافؤادي على احساسك سرينا
جعْل ربي يجيب الخير دفاق

الاماني انتهـت والحـزن فينـا
واللي فينا بواقي فقد وارهاق

انتهينا ولا راحت علينـا

الامل باقيٍ مادمت تشتاق

والحقيقه تقول احنـا طوينا

قصة الأمس بين سطور الاوراق

لا رجينـا ولا حـتى احترينا

رجعة اللي رحل من وسط الاعماق

والصراحه تشوقنا وبغينا
قلب صادق به الاحساس تواق

والقدر والهـوى ماهـوبيدينـا

وان كتب ربّنا بنصيرعشّـاق

وان حصل استعد للـي يجينـا

الهوى أعذَبه هسترياالاشواق


التعديل الأخير تم بواسطة : ناديه حسين بتاريخ 10-24-2013 الساعة 04:30 PM
رد مع اقتباس
  #5  
قديم 04-22-2009, 08:42 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على مجزوء البسيط



سحرالهوى



تعال وان ما تجي بآجيك في الحال

تعال عندي مشاعـر فيـك ريّـه




عندي سوالف تهيّا لرصد زلـزال

تعـال لاتطـوّل الغيبـه علـيّـه



ذبحتني ياكحيـل الرمش قتّال

ولله كلـك جـمـال و جاذبـيّـّه


اتخيلـك ياحياتـي بـزول خيّـال

خيّـال ومجنـون ياخيّـال فيّـه


وتقول فيني شعروتجـرّمـوّال

ترقص جنونـك قبالـي محتفيّـّه



وتقول :ياقلبها سلّم وفـي الحـال

فجأه تلاقي الصحاري بـك نديّـّه



تنبت زهورالبراري و تكسي جبال

والغيم رش رش هتونه الموسميّه


امن العصرللغروب الديم همّـال

والشمس نامت في جنه مخمليّـه


حتي القمرمالفى ولاجاب مرسال

غاب القمر ماحضر واعطاك ضيّه


نبض القوافي احتفي بقدومك وقال

احلى المعاني ورقص لك سامريّة


تشب قلبي بوله ماجا على البـال

يحلى الغزل في العيون الأكحليّـه


لي شفتني جيت صوبي ترمي نبال

بالهون لحظـه ترانـي منتهيـه


ونيـت ياقلبـه الولهـان محتـال

تشتاق كل لحظة وتصوّب شظيـه



مرّات تهذي على عمّال بطّال

مرّات تقصد تآذيني بذيّه


اهواك من يوم شفتك صابني خبال

بااسباب نظرات بعيونـك شقيـه


تحبني قلتهـالـك جعلهـا فـال

تدري بغرامي انـا بـك مكتويـه


أرفق بحالي يحالي الريق عسّـال

مرمـرت حالـي بدنيـا سكّريـه


أرمي سلامك تحيـّة ودّ ووصـال

سلّـم عليـّه وانـا اردّ التحيّـّه


يازين سحرالهوى لاجاك شـلال

يعطيك كل المشاعـر لـك هديّـه



يثبت وجوده عنيد بعنـف ينهـال

من نفس هامت بعشقك نرجسيـّه


ادري قليبك عشقني حبني ومـال

ويدوم سحر الهوى وحنّا سويّه



وسلامتكم

التعديل الأخير تم بواسطة : ناديه حسين بتاريخ 01-04-2014 الساعة 07:02 AM
رد مع اقتباس
  #6  
قديم 04-22-2009, 08:48 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر البسيط


صياد مصيود


صاير هواوي وغادي طيربالوادي

فارد جناحه على دنياه وظباها



له نظرةٍ تطرح الدندونه وكادي

له نبرةٍ بالوله ونّه على آآآآها




والوجه ضاوي حلاته مبتسم هادي

من بسمته تعشب الصحرا اذاجاها




والرمش غاوي حلاته رمشه ينْادي

سلّم بعينه ورمالي رميه مااقواها




ينشد عن اخبار بيرٍ مابها شادي

هي جفّت البير والّا تنضح بماها


ماشاف حول الحما بادي ولاغادي

(والأرض في الشرع للي حاز واحياها )


توه صغيرٍ ودوبه باالهوى بادي

بكره يعرف تالي الدنياولأواها


صياد مصيود حدّه للهوى حادي

سبحان من سخّره للروح يفداها



وسلامتكم

التعديل الأخير تم بواسطة : ناديه حسين بتاريخ 02-13-2014 الساعة 07:49 AM
رد مع اقتباس
  #7  
قديم 04-22-2009, 08:50 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
مربوعه على بحر الصخر (الوافر)



حقي علي



انا حقي علي ضيّعت نفسي
رميت الحاضر الأخضرلأمسي
ولاادري ليه انا ضيعت حالي
وغابت مع مرور الوقت شمسي



رميت الروح في وادي المساكين
وانا اقدر اقلب الدنيا بيومين
واعيش بدنيتي عيشة سلاطين
بدل ماني بعمر في حكم منسي


اخذني حاضري أخذة خطيفه
وتركني لوحشة العمرالمخيفه
رضيت بعيشة الحرّه الضعيفه
وحقي ضاع إذا ماخاب حدسي



وسلامتكم
رد مع اقتباس
  #8  
قديم 04-22-2009, 08:56 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر المسحوب


4 3 4 3 2 3 2 ه
4 3 4 3 2 3 2


ويني أنا



جرّ الحسيني ونّته بْصوت مبحوح

يبي الدوى والا الطبيب المداوي؟


قلت الهوى ماله دوى ياونس روح

حمى الهوى برد ودفا للهواوي


الروح تعشق خفّة الظلّ والروح

والقلب أخضر يشتهي ولف غاوي


والعين تهوي شوف جذاب مملوح

حنطي عريب الجد والخدضاوي


والسمع يطرب لي سمع قمري الدوح

يشرح عذابات الهوى للنداوي


اما اناقلبي شقي صدق مذبوح

ويني انا والحب والقلب لاوي


والحب لهل الحب جارح ومجروح

والعشق لهل العشق حامض وكاوي


واشلون لالبّيت غاوي وطحطوح

يقلب صباحي حب وليلي هقاوي؟


ايه الهوى ماله دوي يا ونس روح

ماني الدوى وْلاني الطبيب المداوي



ايه الهوى ماله دوى ياونس روح
ماني الدوى وماني الطبيب المداوي





جر رل4 حسي3 ني ون4 نتب3 صو2 تمب3 حو2 حه
يبد3 دوى3 وللط4 طبي3 بل2 مدا3 وي2 =

4 3 4 3 2 3 2 ه
4 3 4 3 2 3 2





وسلامتكم

التعديل الأخير تم بواسطة : ناديه حسين بتاريخ 01-04-2014 الساعة 07:04 AM
رد مع اقتباس
  #9  
قديم 04-22-2009, 08:59 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الصخر




زمان الخوف


يازمان الخوف في صمت الروايـه
هل يدوم الخوف الي آخر حياتـي

هل تظن ان الفرح جـي فالنهايـه
هل صحيح ان الفرج في يوم آتي ؟

يالطيف الطـف بحالـي يارجايـه
شكوتي لك يامغيث اكتـب نجاتـي

مااذكر ان قلبي جزع ماذكر حكايه
امرضتني اتحكمت في عمق ذاتـي

مو انا ال اشكي وابكي من قضايـه
من قدر مكتوب لـو انـه وفاتـي

مير فيني علّة(ن) ماهـي بهوايـه
والدوى عندك ونا طحـت ببلاتـي

كنت أصبّر من جزع ووصف دوايه
للعليـل المكتئـب يفعـل شراتـي

كنت اقوم الليل واقـرأ ألـف آيـه
كنت اثابر في قيامي وفي صلاتـي

مااذكر ان قلبي ضعف يوم بشقايه
وهذا انا كني صويبه مـن شقاتـي

كن صايبني حسد كن جـن ورايـه
واستعيـذ بربـي يجمّـع شتاتـي

دنيتي في طول صبري في رضايـه
جنتي في كثر صبري فـي ثباتـي

يازمان الخوف في صمت الزوايـه
ماعلي من خوف او منـه احاتـي

جيت لك جثه ..وقف ربـي معايـه
ومن فجـر باكـر انـا ببدأحياتـي








وسلامتكم

التعديل الأخير تم بواسطة : ناديه حسين بتاريخ 04-24-2009 الساعة 07:31 AM
رد مع اقتباس
  #10  
قديم 04-22-2009, 09:06 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
مربوعه على الرمل


سكّــــــر نبات


كل مامر الهوى صورتك مرّت
وبعيوني و بخيالـي استقرت
وبـمـلــف االذكريات العين قرّت
باالف قصة شوق حب وامنيات


عيدي الاول رحل وايام راحت
والمشاعر في هواك بشوق باحت
صورتك داخل فـؤادي استراحت
تسهر بقلبي وعلى رمشي تبـات


عمري مانسى في ليالي الألف ليله
عشنا ليله تسوى عندي ألف ليله
ليلة اللي جيت قاصدنـي حليله
وانهمر رشّ الوله سكّـر نبـات
وسلامتكم

التعديل الأخير تم بواسطة : ناديه حسين بتاريخ 07-09-2013 الساعة 05:59 AM
رد مع اقتباس
  #11  
قديم 04-22-2009, 09:07 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الصخر



ياحبيّب يايابه



مسافر يابعد عمر الغريبه
وتارك قلب يشكي لي مصابه


قضيت الليل بغيابك كئيبـه
واخفف لوعة القلب وعذابـه


واخاف نضيع بالحظ ونصيبه
واخاف افقدك ياحبيّب يايابـه


ومن يقدرعلى الصبر ويجيبه
يردّه جاي من بعد انسحابـه


حبيبي غيبتك اكبـر مصيبـه
وحتى الصبر مانلت احتسابه


يطول الليل والفرقا صعيبـه
يطول الصمت بأشباحه واهابه


وغابت بسمتي بحزّه رهيبـه
وذاب القلب بك مغرم صبابه


وهل الدمع يتحـدى بلهيبـه
حميم النـار حـزة انسكابـه


يشيب الراس من فرقة حبيبه
واذافارقت عمري لاغرابـه


الا يابلّسـم القلـب وطبيبـه
الا ياثغـر يحينـي برضابـه


ابي تذكر محبتـك الغريبـه
وابي صدرك بيادر لي ولابه


وخليني علـى بالـك قريبـه
وهدهدني بأغانيـك العذابـا


انا ضاقت على كل الرحيبـه
واخاف افقدك ياحبيّب يايابـه


وسلامتكم
رد مع اقتباس
  #12  
قديم 04-22-2009, 09:12 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على مجزوء الرجز


او

الحد ا





لو مات


لو مات لا تجزع وليه
هذا قدر ربّي وجاه


لاتكتئب باكر تجيه
الموت هو تالى الحياه


وادعي عسى الله يجتبيه
ويسامحه ويغفر خطاه


واسأل عسانا نلتقيه
في جنّةٍ عند ا لإله


لو عاش قول الحمد ليه
ماخاب مؤمن لي دعاه


لو عاش قوم الثم له فيه
وصاحبه وامشي معاه


سامحه دايم لو تبيه
ومدّ له طوق النجاه


هذا حبيبك ماعليه
لو يخطي صغيّر مداه


باكر تلاقي الخير فيه
يصلحه ربي اللي حماه


ادعوا معي لربٍ بيديه
الخير ان يجزل عطاه


يقرّ عين امّه واخيه
ويرده سالم قد شفاه


يارب يامن نرتجيه
ياشافي بيدّك دواه


اشفيه ياشافي نبيه
نحتاجه بهذي الحياه

وسلامتكم

التعديل الأخير تم بواسطة : ناديه حسين بتاريخ 07-09-2013 الساعة 06:01 AM
رد مع اقتباس
  #13  
قديم 04-22-2009, 09:15 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الصخر


عمر الفرح




اذا عمر الفـرح بالحـب ليلـه
ياقل الفرح في عمر المحبيـن


في لحظه مال صوب العين ميله
في لحظه غاب عن دنياك ياعين


وساهرت الصبر قاومت ويلـه
وخاويته علي الله القاه بعدين


غرامك ساكن بروحـي اشيلـه
حبيبي ومااظن اقدر على البين


صعيبه فرقتـك ماهـي قليلـه
صويبه في حشايا نصل سكيـن


ومـت بهـم لايمكـن تخيلـه
قبل مايمر علي فرقاك يوميـن


وكيف انسى سجاياك الجميلـه
وكيف انسى نسايم من رياحين


وكيف انسى العوينات الكحيله
وشفايف كنهـا ورد البساتيـن


وكيف اسهر بدونك نص ليلـه
ليالي العمر من غيرك مساكين


الا يالله انـا بوجهـك دخيلـه
الا يالله تجمـع بيـن الاثنيـن




وسلامتكم

التعديل الأخير تم بواسطة : ناديه حسين بتاريخ 04-05-2017 الساعة 06:21 AM
رد مع اقتباس
  #14  
قديم 04-22-2009, 09:17 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر مجزوء الرجز





بيت القصيد

القلب مـن دونـك وحيـد
مهموم ذايب في حشـاى

ولهـان باشواقـه عنيـد
محـزون ووصالـك دواي

ويش ينفع الصوت البعيـد
ودي أشوف الحب جـاي

يسقينـي الشهـد الفريـد
معسول يروي لي ظمـاي

وابدا حياتي مـن جديـد
ابيك كـل لحظـه معـاي

البـرد بغيابـك شـديـد
والبعـد حارمنـي دفـاي

يحتار دمي فـي الوريـد
واحتاج ترجع لي دمـاي

يوم التقي بك يـوم عيـد
يوم (ن) تجيني ياااااااهناي

يفرح بك العمـر ويزيـد
تضحكلي الشمس بسمـاي

والروح تنشد لـك نشيـد
والقرب هو غايـة منـاي

الشوق فينـا مـو جديـد
وش صارفينا يـا هـواي

كثـر التأفـف مايفـيـد
ارجـوك لاتـزود عنـاي

شريان قلبي مـو حديـد
غارق بحبك يـا رجـاي

خليـك معشـوق وسعيـد
خلينـي اتناسـا شقـاي

الصبر هو بيـت القصيـد
صبّرني واتصبـر معـاي

القلب من دونـك شريـد
مهموم ذايب في حشـاى

وسلامتكـم




وسلامتكم

التعديل الأخير تم بواسطة : ناديه حسين بتاريخ 04-24-2009 الساعة 07:33 AM
رد مع اقتباس
  #15  
قديم 04-22-2009, 09:19 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الشيباني



لو انساهم





انا ان جيت ابنساهم الاقي الطيف وسط الـروح
بيتعطر من اشواقي و يجى في الحلـم يلقانـي


انالو قلت مابيهـم يكذبنـي حـزن مفضـوح
حسافه ماقدرت انسى وهـو بلحيل ينسانـي


اشوفه في عيون الناس والخاطر غدى مجروح
اصدق وهم في حبـه واكـذب نـاس تبغانـي


احاسيسه خلاويه واحاسيسـي عليه نـوح
ياويلي ياضنا حالي مـن اشواقـي وحرمانـي


انادي له وارسل له يرد الصوت لـي مبحـوح
ولايرحـم شقـاحالـي ولاهمـه بأشجـانـي


الا يالله صبرنـي اشوفـه جـي وويـن آروح
اغمّض عين وافتحها الاقي الطيـف بااعيانـي


انا ان جيت ابي اخفي غرامي للمـلامشـروح
انا لـو جيـت اتكلـم بأسمـه يغلـط لسانـي


ولو المح طرف ثوبه تلاقي الشوق مني يفـوح
يشمّه من قرا شعري ويعـرف وش بوجدانـي


رهنت العمر لعيونه ومالي بغيره أي مصلوح
رهنت القلب لسجونه وصـار الحـب سجّانـي


ابصبر ع الألم والهم الين يـرد فينـي الـروح
واكيـد يعـود يذكرنـي لانّـه كـان يهوانـي


وسلامتكم

التعديل الأخير تم بواسطة : ناديه حسين بتاريخ 04-05-2017 الساعة 06:24 AM
رد مع اقتباس
  #16  
قديم 04-22-2009, 09:21 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الصخر


تذكــــّـــــر





لعب فيني الهوى شرقي وغربي
تذكرت العيون ولحـظ يسحـر


وناديتك تذكّـر لحظـه حبـي
حبيبي قوم فكّـر بـي وتذكّـر


تذكّـر قعـدة العاشـق بجنبي
على نبضي رقص رقص المخدّر


تذكر رجفتـك وانتـه بقربـي
تذكر (نـود) والشـال المعطّـر


تذكّرتك صرخـت وفـز قلبـي
على بعدك انـا ماعدت أقـدر


وانادي ياهبوب الشـوق هبـي
اثيري من صمد بالهجر اكثر


اثيـري فيـه بالنيـران شبـي
وله جاير يخلّى العمر يقصر


غرامي ياخذه شرقي وغربـي
كفاني فيـه ربـي الله واكبـر


وسلامتكم
رد مع اقتباس
  #17  
قديم 04-22-2009, 09:24 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الصخر



اسلي خاطري


مع الأشعار وأسهر للطواريق
إذا قلبـي فقـد غايـة مـراده


سنه مرت علينا كلّهـا ضيـق
انـا فيهـا تناسيـت السعـاده


وقلبي لو لوى وسط المعاليـق
رجايا برحمـة المولـى لعبـاده


هوايا بس في سيـدالمخاليـق
واذا غايـب أنـا بنطـر وداده


انا مالي هوى بغيره ولاطيـق
وقلبي سايـر بموكـب حـداده


ويرجع يوم يذكر حلوة الريـق
واذا ماجـا ابعْطيـك الافــاده


حقيقه القلب لبوابه مغاليق
وابد لا لا تخيـّل ارتياده


مع الاشعار واسهر للطواريق
وسلّي خاطرى بشعـر وعبـاده


وسلامتكم

التعديل الأخير تم بواسطة : ناديه حسين بتاريخ 04-05-2019 الساعة 10:51 PM
رد مع اقتباس
  #18  
قديم 04-22-2009, 09:25 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الشيباني




آخر ليلة




تعذّب روحك وروحي وتعاتبني علـى ماكـان
وتبكي لي وتبكينـي وتوجـع قلبـك وقلبـي


وانا والله ما أقصد شي ولكن قلبـك الولهـان
يصورلك كما يبـدو مشاعـر حسّهـا سلبـي


ومن كثر العذاب تون وتكسر خاطري بعصيان
ومن كثر العذاب تصيح تشكيني علـى ربـي


تحبني موت وادري بك وشوقك كنه الطوفـان
كما الطوفان ورياحه تلاعب بك وتلعب بي


لأنك عاشق الدمعـه تحـب تعانـق الاحـزان
تفضّلها على روحك على روحي علـى قربـي


نسيت ان البنـي آدم معـرض دوم للنسيـان
نسيت ان الخطا وارد وذنبك أقوى من ذنبـي


حسبت اني بشوفك في صباح الغـد بطمئنـان
لقيتك حازم شْناطك على جْناح العتـب غربـي


مسافر يابعد عمر الغريبه وقلبهـا العطشـان
واخاف الليله هي آخر ليالـي الألـف ياحبـي



وسلامتكم

التعديل الأخير تم بواسطة : ناديه حسين بتاريخ 09-29-2010 الساعة 06:37 AM
رد مع اقتباس
  #19  
قديم 04-22-2009, 09:27 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الصخر



رقص الزار





حبيبي مااذكر انه كـان سالـي
وروحي دايـم لروحـه قريبـه


يدق الطار في نصّ الليالـي
ورقص الزار يغريني غصيبـه


ينادي لي بعد عمـري تعالـي
وانا دايم اجي والكـذب خيبـه


اجي يمّه و يآخذنـي شمالـي
حنون ويعـرف لقلبـي يجيبـه


ويتمايل علـى هونـه قبالـي
رشيق العود والـرزّه رهيبـه


يرقّص لي عفاريت الجبالي
وكل جنّى يـدوّر لـه صحيبـه


ياغالي قوم واسمع ما جرالـي
حكايه حبّ في عمري عجيبـه


تركني بدنيتي أرقـص لحالـي
هوى رقص الغجر ويا الغريبـه


ياليته ماعشقنـي وراح تالـي
ياليتـه ماتركنـي اهتنـي بـه


وهي قصه وجاتك من خيالـي
كتبها الدمع في الحزّه الكئيبـه


رسمها احساس فاقـد للغوالـي
واجرّ الصوت ياكبر المصيبـه


تركني انتحب ياويـل حالـي
خذاه الموت وضاقت بي الرحيبه


وسلامتكم

التعديل الأخير تم بواسطة : ناديه حسين بتاريخ 04-05-2017 الساعة 06:32 AM
رد مع اقتباس
  #20  
قديم 04-22-2009, 09:28 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الرمل




ماسألتك




ماسألتك ويـن أو راجـع منيـن
وماانتظر منـك سـؤال ولاجـواب


افتكـر انـي سألـت بكلمتـيـن
عن معاني بدرس غامض بالحساب


قاعد تجاوب غلط واعرفـك زيـن
ارتباكك يفضح اللي عنـي غـاب


هل انا جيتك سألتك كنـت ويـن؟
هل تصور ان انا الحـق سـراب ؟


ماتجي هذي السوالف من رزين
وانت عارف اني ماداني العتـاب


لو اشوف انك تغازل شوف عيـن
انسحب بهـدوء لحـدود الغيـاب


لاتصـوّر ان فؤادي لـك رهيـن
هل تلاقي فص ملح فْبحـر ذاب؟!


وانت عارف قلبي بحسّـه فطيـن
قال لي : ياعاشقة شيخ الشبـاب


قاعد يغـازل ظبـا وادي حنيـن
شدّي رحالك أزف وقت الحسـاب


لاكــلام ولامــلام ولاانـيـن
لادمـوع ولاعتـاب ولاعــذاب


والصراحه ماأبـي تقعـد حزيـن
قوم وافتح للظبـا مليـون بـاب


صاحبك روّح علي متـن اليقيـن
طاير بروحه علي هـام السحـاب


كنت احس انك هواوي من سنيـن
مايفاجئني أبـد غدر الذئاب



وسلامتكم

التعديل الأخير تم بواسطة : ناديه حسين بتاريخ 01-04-2014 الساعة 07:14 AM
رد مع اقتباس
  #21  
قديم 04-22-2009, 09:31 PM
خشان خشان غير متواجد حالياً
إدارة المنتدى
 
تاريخ التسجيل: Nov 2005
المشاركات: 15,419
http://whatscookingamerica.net/Edibl...derFlowers.jpg

رد مع اقتباس
  #22  
قديم 04-22-2009, 09:33 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574



اهلا استاذ خشان

منور المتصفح

اقتحام مفاجيء .. وتسلم كلك ذوق تسلم يدك

الله يحفظك



التعديل الأخير تم بواسطة : ناديه حسين بتاريخ 04-22-2009 الساعة 11:15 PM
رد مع اقتباس
  #23  
قديم 04-22-2009, 09:39 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574




على بحر الهزج



مسيرك يوم




بعون الله قدرت اصبر

على حزنك واحزانـي




وداويت الألم بالصبـر

ّوجمّلـتـه بكتمـانـي




وليـه ابكـي واتألـم؟

واموت بكثر اشجانـي




وليه اشكـي واتظلّـم

وعيـن الله ترعانـي




نثرت الشعـر والغـرّه

وكان الزيـن ربّانـي




ابشكر ربـي واحمـد

لأن المـوت ماجانـي




حفظني لجـل احبابـي

واعطانـي وواسانـي




ابحمد ربـي واشكـر

واكتم باقـي اشجانـي




يابسمه فارقـت فمّـي

تعالي وزيني اوجانـي




يادمعه فارقـت عينـي

عسى ماترجعي ثانـي




قدرت انسى عذاب الأمس

لجـل عيـون خلّانـي




واذا عاد الالم والهـم

اقول له روح وانساني




بعون الله قدرت اصبر

وربي اليـوم داوانـي




ومسير الحـي يتلاقـى

واكيد بيوم تلقاني

وسلامتكم

التعديل الأخير تم بواسطة : ناديه حسين بتاريخ 04-19-2011 الساعة 03:17 AM
رد مع اقتباس
  #24  
قديم 04-22-2009, 09:44 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الصخر


الشوق




شكيت وقلت لك :ياخل إشتاق

ذبحني الشوق قلبي منه محروق




بغيتك ترحم وتسقى لـي خفّـاق

لوى بالشوق آه اضناني الشوق




وجيتك اشتكي من كثر ارهـاق

عيوني تبتهل والقلـب مخنـوق




شكيت وقلت لك ماطيق الفـراق

منايا الحقك ياكامـل الـذوق




واطير برفقتك لبـروج وافـاق

ونتغازل كما عاشـق ومعشـوق




اقول الشوق وانطر همس شوّاق

ترد بشوق ياخذ عقلـي لفـوق




وهام الوجد في غضات الاوراق

بنشوى ياعساني منها ماافـوق




وحل الموت موت اللي شم ماذاق

يدور في الظما عن حزة بـروق




وفجأه يمطـر العنـاب رقـراق

كما زمزم تداوي من معه عوق



وسلامتكم

التعديل الأخير تم بواسطة : ناديه حسين بتاريخ 04-05-2017 الساعة 06:35 AM
رد مع اقتباس
  #25  
قديم 04-22-2009, 09:47 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574



على بحر الصخري



تنازلت


انا العطشانه لك والجوف ظامي

وجيتك ارتوي وياليت ماجيت




لقيت النهر متعكّر ودامي

وحوله قبو تسكنه العفاريت




تفاجأت بطلاسم وبأسامي

وغرفه ماتولّع فيها كبريت




وحاولت انهزم وانسى غرامي

واقاوم سادة الاشرار في البيت



سألت الله يكتب لي سلامي

وانادي لك ولااذكر انك رديت


تنازلت وتراجعت بكلامي

ومابي ماولااذكر اني ظميت



وعلى كيفك تهرّب يالمحامي

ويكفيني حرقت الجن ومشيت

وسلامتكم

التعديل الأخير تم بواسطة : ناديه حسين بتاريخ 04-05-2017 الساعة 06:38 AM
رد مع اقتباس
  #26  
قديم 04-22-2009, 09:51 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الشيباني


هلا بك





هلا بك كثر ماعينـي تحّـرت رجعـة الغيـاب

هلا بك كثرماهلت دموع الشوق مـن عينـي




هتف قلبي يهلّي بـك وبعيوني بقاياعتاب

دخيلـك لاتـروح بعيـد تكفا لاتخليـنـي




جمعنا الوقت بالصدفة معا ك وصرنا لك أصحاب

ولا اسمح لـك تفارقنـي وتتعبنـي وتبكّينـي




دخيلك لاتخلي الشوق صفحه حايـره بكتـاب

يكفي من عنا بعدك كرهـت الحـزن بسنينـي




تمنيتـك بأيامـي اغانـي مـن فرح تنسـاب

تمنيتـك تمنيتـك بكـل سـاعـه تلاقيـنـي




كرهت ألقاك بدموعي و احن لراحة الاعصـاب

تمنيتك في عز البرد تدفا بي وتدفيني




أنا كلي علي بعضي قصيده من ولـه وعتاب

ومن غيرك قرا حرفي ومن يعرف دواوينـي




عسى حكي القلم يقدر يرجّع بسمـةالاحبـاب

وتنسى قصـة الترحـال وبرجوعـك تهنينـي


وسلامتكم

التعديل الأخير تم بواسطة : ناديه حسين بتاريخ 04-05-2017 الساعة 06:42 AM
رد مع اقتباس
  #27  
قديم 04-22-2009, 09:55 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الصخر



العنيـــــــده





أفكر فيـك وبقلبـي وعنـاده


يطير النوم وافكـاري جديـده




أفكر فيـك وبحـب وسعـاده


وليالي تجمع قلوبـن وحيـده




ألا ياعاشقـي عشقـي زيـاده


كبر ذا الكون تهـواك العنيـده




ولوأبعد وصار البعـد عـاده


لاتحسبني مع اشواقي شديـده




بدونك عمري ساير في حـداده


لبس أسـود وأحزانـه مديـده




هجرت الأحمر وعفت القـلاده


لقيت اللوم من خصري وجيده




لهيب الشوق بأحضاني وقـاده


وطول الليل اعاني من وعيـده




يكايدني يواصـل فـي كيـاده


يجيب الماضي يحكي لي ويعيده




حبيبك ذا هوى قلبي ومـراده


ويوم الوصل عيدك قبل عيـده




يبهذلني وانـا مابـي جـلاده


عنيد انته وانا أكبر عنيـده




أحبك حـب مـن ربـي إراده


وكل ليله قـدر ربـي يزيـده




نويت ارمي ضنا قلبي وعنـاده


نويت ارجع قبل لاصبح شهيده




هدب عينك أسر قلبي سـواده


وشهد النون يتغلل وريـده




لعشقي لك معي أصدق شهاده


أنا بدونـك بهاالدنيـا شريـده




نويت اهدي لك القلب بـوداده


وأرجع طفله بأحضانك سعيـده




يعيش الحب نعطيـه السيـاده


يضل حاكم نضل احنـا عبيـده




ياعاشقني أنا عشقـي زيـاده


كبر ذا الكون تهـواك العنيـده





وسلامتكم

التعديل الأخير تم بواسطة : ناديه حسين بتاريخ 04-05-2017 الساعة 06:44 AM
رد مع اقتباس
  #28  
قديم 04-22-2009, 10:03 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر البسيط




اسود على اسود





اسود على اسود حياتي حزن وحداد

الحزن ثم البكا والمـوت عنـدي




قلبي لوى من زمان و صـار عـداد

يا روحي عدّي الوجع للألف عـدّي




فارقت ربعي وغابت كل لاعيـاد

ياعمري اللي وقف ماعـاد يجـدي




قلبي رهين المواجع حزنـه وكـاد

وكن عذاب البشر شلتـه لوحـدي




يوم الجزع زارني في الوحل يصطاد

لقى مكانـه نـوى باالويـل جلـدي




جات النهايه على كيف الله مـاراد

مير الكئابه وطت بجنـوب كبـدي




قلت الصبر مير فارقني وماعـاد

لعنه وحلّت علـي ماعـاد يمـدي




ياحـظ كـل العـواذل فرْحهـم زاد

والعاذله تشتفي من لـوم وجـدي




يالله تنـزل سكينـه تغمـرفـؤاد

يالله تعجّـل علـي بْيـوم سعـدي



وسلامتكم

التعديل الأخير تم بواسطة : ناديه حسين بتاريخ 04-05-2017 الساعة 06:53 AM
رد مع اقتباس
  #29  
قديم 04-22-2009, 10:07 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر المسحوب



ياصاحبي





ياصاحبي ناديت والقلب ذايب

ناديت رد الصوت بالصمت ملتاع




ناديت كم ناديت يا اغلى الحبايب

ياويل حالي خنجرك بين الاضلاع




ياصاحبي بآموت ما دمت غايب

مابي حياتي كلها حزن ووجاع




اهديتني همّك وكل المصايب

واهديت لك قلبٍ به الشوق نزّاع


وصاحبك


ذا صاحبك ياقلب ما له صحايب

شرّاي نسّاي الهوى حيل بيّاع




وضاقت بك الدنيا ومازلت لايب

عطيت مير الودّ في صاحبك ضاع




اقنع يقلبي وانتفض حرّ طايب

ازهد يقلبي وجازي الصمت بوداع

وسلامتكم

التعديل الأخير تم بواسطة : ناديه حسين بتاريخ 09-29-2010 الساعة 06:48 AM
رد مع اقتباس
  #30  
قديم 04-22-2009, 10:09 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,574
على بحر الصخر


تفارقنا



تفارقنا ولاادري كيف صارت

قدر مكتوب وتقدّرعلينا



امانينا استوت من ثم طارت

تلاشت في فضا الدنياالحزينه



ومادري ليه ظروف الوقت جارت

علينا ومابقي شي بيدينا



علامات الشجن في عيون غارت

كما برد الخريف بياسمينه



كماشمس اخسفت ثم استدارت

ظلام وليل غربه تحترينا



يارب ارحم قلوبن استجارت

من الأشواق والفرقه اللعينه



وضاقت باالنوى ثم استجارت
بوجهك يامعين الصابرينا


وسلامتك

التعديل الأخير تم بواسطة : ناديه حسين بتاريخ 11-29-2016 الساعة 03:51 PM
رد مع اقتباس
رد

Bookmarks


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

 



الساعة الآن 03:07 AM.

  :: تبادل نصي ::

مدخل د/ شاكر للعروض :: لماذا الرقمي ; :: أناشيد على البحور :: منهاج الرقمى ;

ضع اعلانك هنا; :: :: ضع اعلانك هنا; ضع اعلانك هنا; :: ضع اعلانك هنا;


Powered by vBulletin® Version 3.8.4, Copyright ©2000 - 2019, TranZ By Almuhajir
F.T.G.Y 3.0 BY: D-sAb.NeT © 2011
vEhdaa 1.1 by NLP ©2009