قصائد وبحور (نبطي)

[color="purple"]تغاريد النادية
مجزوء الرمل
العلوم ان جات في وقت اللزوم
والمشاعر صافيه متوافيه
مثل هتان ن ترك قلب الغيوم
وعانق زْهور البراري الغافيه


مسحوب

الريح تلعب بالغصون وبالاوراق
صيف وشتا تعصف وتشلع خفوقي

عم اليباس الروح واجْتاح الاعْماق
وانا الربيع اللي يبلّ العروقي

مجزوء الرمل

يارياح ٍ بي تروح ::صوب ذيّاك المليح
الهوي كله جروح::والزمن دايم شحيح
كيف احكي له وابوح::وباقي اشويه واطيح
بمطتي جرحي واروح ::واتجه عكسك ياريح


مجزوء الرمل


مانسيتك يالحنان
وب فؤادي لك مكان
لو يطول به الزمان
ماعطيته شخص ثاني


حدا


ياهيه
مدري وش اللي فيك..يجبرني أستنيك
وانته كأنك طير
طاير
من وادي لبستان.. وتردد الالحان
ساعه وثم تْطير
وتغيب
وتهبض الأشجان..في قلبي لولهان
وآآصير ماني بخير



صخري

ولا تشرق على ايامي الشمس
ولايضوي قمر ليلي ظلامه

بعد عينك تركني العمر للأمس
مع الذكرى وتمنى لي السلامه




مجزوء الرجز

ياليل ياليلي انا عندي دليل
ماجاني في حبه اكيد ن جاي له
يسهر طوال الليل ولحد المقيل
ويشوف مثلي من نجوم القايله



وسلامتكم

مجزوء الرمل

طمّن الملهوف يارب الرهايف
كلّنا عْبادك على بابك نطوف
مانبي الا الأمان مْن المخاوف
وانت قادر ياكريم ويارؤوف

متدارك

حسبي الله على اللي
مابقلبه محنّه
حسّه المضْمحلي
يرقص لْكلّ ونه
اشتكي له لعلي
آخذ العزم منّه
من بروده يقل لي
حنّ محْنا في جنّه
وسلامتم



مشطورة مسحوب

تدري بحالي ياعظيم الجلالي
باللي ظلمنى وش عمل وش نوى لي
انت العليم الداري بْما جرى لي
فوضّت امري لكْ وبك اتكالي


شعر النادية

ناديه حسين

ودمتم بخير