قصائد وبحور (نبطي)

على بحر الرمل

من يمد

من يمد لصاحبه طوق النجاة
كلن بحاله على همه سرى


والحياه يوم انتهت فيه الحياة
مالقى له ظل في حرّ الثرى

والنصيحه ماتهز قلب الطغاة
مايهز الصخر قبر (ن) لو طرى

كنت اظن الخير باقي مير جات
الوثايق تفضح نفوس الورى

شفت موسر غاص في حب البنات
ينثر امواله على جزمة مرا

وكم مريض(ن) مالقى حق المبات
في المشافي وعاف ساعات الكرى

من يمد الطوق للجنه ثبات
يرحم اللي طال صبره واحترى

ينفق بماله ويبغي الباقيات
يكسب الدنيا وبالجنه ترى


وسلامتكم